रुग्ण सेवा हिच खरी ईश्वर सेवा
- पालकमंत्री प्रवीण पोटे- पाटील
अमरावती, दि. 27 : वैद्यकीय सेवा पत्करतांना डॉक्टरांनी गोर-गरीब रुग्णांची सेवा करण्याची शपथ घेतली असते. तुमच्या वैद्यकीय सेवेमुळे एखाद्या रुग्णाला जीवनदान मिळवून देणे, यासारखे इतर कुठलेही पुण्य काम असून शकत नाही. यामुळे रुग्ण सेवा हिच खरी ईश्वर सेवा आहे, असे मत पालकमंत्री प्रवीण-
पोटे यांनी व्यक्त
केले.
शनिवार 24 मार्च रोजी, येथील ज्ञानेश्वर सांस्कृतिक भवन येथे आरोग्य विभागाच्या वतीने आयोजित ‘आरोग्य संजीवनी-2018’ स्नेहसंमेलन कार्यक्रमाचे उद्घाटन पालकमंत्र्यांच्या हस्ते झाले. त्यावेळी ते बोलत होते. यावेळी जिल्हा शल्य चिकित्सक श्यामसुंदर निकम, जिल्हा आरोग्य अधिकारी, डॉक्टर्स, आरोग्य विभागाचे
अधिकारी-कर्मचारी आदी उपस्थित होते. प्रारंभी कार्यक्रमात
पालकमंत्री व मान्यवरांच्या हस्ते दिप प्रज्वलन करुन स्नेहसंमेलनाचे उद्घाटन करण्यात आले.
श्री
पोटे पाटील म्हणाले, देशात व राज्यात अनेक गोर-गरीब जनता आहे. गरीब
परिस्थितीमुळे खाजगी रुग्णालयात उपचार घेण्याची त्यांची ऐपत नसल्यामुळे अशा रुग्णांना डॉक्टरांनी वैद्यकीय विनामुल्य सेवा द्यावी. एखाद्या रुग्णाला तुम्ही केलेल्या उपचारामुळे जीवनदान मिळू शकते, यासारखे पुण्य काम कुठलेही असू शकत नाही. रुग्ण सेवा हिच खरी ईश्वर सेवा मानून गोर-गरीब रुग्णांना वैद्यकीय सेवा पुरवावी, असे आवाहन
ही त्यांनी केले. पालकमंत्र्यांनी सुंदर स्नेहसंमलनाचे आयोजन केल्या निमित्य आयोजनकांना शुभेच्छा दिल्या.
यावेळी आरोग्य क्षेत्रात उत्कृष्ठ कार्य करणाऱ्या डॉक्टर्स,
पॅरा मेडिकल स्टॉफ, अधिपरीचारिका,
सफाईकामगार यांचा पालकमंत्र्यांचे हस्ते यथोचित सत्कार करण्यात आला. यावेळी स्नेहसंमेलना प्रित्यर्थ तयार केलेल्या पुस्तिकेचा पालकमंत्र्यांचे हस्ते विमोचन झाले. कार्यक्रमाला मोठ्या संख्येने आरोग्य क्षेत्राची निगडीत अधिकारी-कर्मचारी आरोग्य विभाग संघटनेचे सदस्य उपस्थित होते.
000000
कोणत्याही टिप्पण्‍या नाहीत:
टिप्पणी पोस्ट करा