विभागीय माहिती कार्यालय, अमरावती

विभागस्तरावर कोरोना नियंत्रण कक्ष स्थापन Ø   अपर आयुक्त मंगेश मोहिते नियंत्रण अधिकारी अमरावती, दि. २७ : कोरोनाबाबतच्या तक्रारी, सूचना, उपाययोजना आदींबाबत विभागस्तरावर कोरोना नियंत्रण कक्ष स्थापन करण्यात आला आहे. अपर आयुक्त मंगेश मोहिते या कक्षाचे नियंत्रण अधिकारी आहेत. विभागस्तरावर स्थापन करण्यात आलेला कोरोना नियंत्रण कक्ष चोविस तास सुरू राहणार आहे. या कक्षाचे नियंत्रण अधिकारी श्री. मोहिते कक्षास प्राप्त माहिती, तक्रारी, सूचना, उपाययोजनाबाबतची माहिती संबंधित कार्यालय आणि शासनास कळवतील. 00000

खासगी वैद्यकीय व्यावसायिकांनी बाह्यरूग्ण तपासणी सुरू ठेवावी -           विभागीय आयुक्त पियूष सिंह यांचे आवाहन Ø   रूग्णालये बंद ठेवल्यास   डॉक्टर्स, वैद्यकीय व्यावसायिकांवर कारवाई करणार अमरावती, दि. २७ : कोरोना विषाणू संसर्गाच्या भितीने विभागातील काही डॉक्टर्स आणि वैद्यकीय व्यावसायिक बाह्यरूग्ण तपासणी आणि रूग्णालये बंद ठेऊन वैद्यकीय सेवा देत नसल्याचे निदर्शनास आले आहे. या पार्श्वभूमीवर खासगी वैद्यकीय व्यावसायिकांनी बाह्यरूग्ण तपासणी सुरू ठेवावी असे आवाहन विभागीय आयुक्त पियूष सिंह यांनी केले आहे. कोरोना विषाणू हा तीव्र संसर्गजन्य स्वरूपाचा असल्याने याबाबत तातडीने खबरदारीच्या प्रतिबंधात्मक उपायायेजना करणे आवश्यक आहे. मात्र काही डॉक्टर्स आणि वैद्यकीय व्यावसायिक संसर्गाच्या भितीने रूग्णालये बंद ठेवत असल्याचे निदर्शनास आले आहे. कोरोना विषाणूच्या प्रसाराच्या पार्श्वभूमीवर सर्व वैद्यकीय व्यावसायिकांनी आपल्या सेवा सुरळीत सुरू ठेवाव्यात. तसेच आवश्यकता भासल्यास त्या‍ठिकाणी त्यांची सेवा अधिग्रहित करण्याच्या सुचना त्यांनी जिल्हाधिकारी यांना दिल्या आहेत. जिल्हाधिकाऱ्यांनी संबंधित जिल

अज्ञात वाहनाच्या धडकेने बिबटचा मृत्यू   अमरावती , दि .19   : मेळघाट व्याघ्र प्रकल्प, सिपना वन्यजीव विभाग, परतवाडा अंतर्गत   1 मार्चं रोजी वन्यजीव परिक्षेत्रातील हतरु ते रायपूर रोडवर रस्त्याच्या बाजुला बिबट्याचा मृतदेह आढळून आला. त्यानुसार प्राथमिक वनगुन्हा जारी करण्यात आला. अशी माहिती प्राप्त झाली आहे. मृत पावलेला बिबट हा सुदृढ, नर प्रजातीचा असून   त्यांचे अंदाजे वय 3 वर्षे होते. या बिबटचे शवविच्छेदन करण्यात आले असून अज्ञात वाहनाच्या धडकेने अंतस्त्राव व छातीच्या बरगड्या तुटल्यामुळे त्यांचा मृत्यू झालेला आहे, असा अंदाज व्यक्त करण्यात आला आहे. शवविच्छेदन करुन मृत बिबट्याचे नमुने पुढील तपासणीसाठी न्यायवैधक प्रयोगशाळा, अमरावती येथे पाठविण्यात आले आहे. ही घटना सेमाडोह ते हतरु भाग-1 येथे नविन केलेल्या सिमेंट क्रॉकीट रोडवर झालेली असून यापूर्वी या रस्त्यावर अश्या घटनेची नोंद झालेली नाही. या बिबट्याचे सर्व अवयव सुरक्षीत असून (नखे, मिशा,पंजे इ.) शरीरावर कुठल्याही प्रकारच्या जखमा आढळून आलेल्या नाहीत. या प्रकरणाचा पुढील तपास   कमलेश पाटील सहाय्यक वनसंरक्षक हे करित असल्याचे डॉ. सिवाबाला एस.

22 मार्च जलदिनानिमित्य जलदिंडीचे आयोजन अमरावती , दि .16   : पाण्याचा सुयोग्य वापर, पाण्याची बचत व पाणी संवर्धनाच्यादृष्टीने नागरिकांमध्ये जनजागृती व्हावी यासाठी दि. 22 मार्च रोजी सकाळी साडेसात वाजता महाराष्ट्र जीवन प्राधिकरण येथे जलदिंडीचे आयोजन करण्यात आले आहे. 16 ते 22 मार्च या कालावधीत जलजागृती सप्ताह असून विविध कार्यक्रमाअंतर्गत जलदिंडी आयोजित करण्यात आली आहे. महाराष्ट्र जीवन प्राधिकरणाच्यावतीने आयोजीत जलदिंडी जलसाक्षरतेचा संदेश देत मालटेकडी, पोलीस पेट्रोल पंप, पंचवटी चौकातून मार्गक्रमण करीत अभियंता भवन येथे विसर्जीत करण्यात येईल. नागरिकांनी जलदिंडीमध्ये सहभागी व्हावे असे आवाहन अधीक्षक अभियंता श्री. चारथळ यांनी केले आहे. 0000000

जिल्‍ह्यात कलम 37 (1)   व (3) लागू अमरावती , दि .12   : जिल्‍ह्यात शांतता व सुव्‍यवस्‍था अबाधित राहावी यासाठी अपर जिल्‍हा दंडाधिकारी यांना प्रदान करण्यात आलेल्या अधिकारानुसार   मुंबई पोलिस कायदा 1951 चे कलम 37 (1) (3) अन्वये प्रतिबंधात्मक आदेश जारी केला आहे. जिल्ह्यातील कायदा व सुव्यवस्था अबाधित रहावी याकरिता पोलीस आयुक्तयालय परिक्षेत्र वगळून जिल्ह्यात दि. 12 मार्च ते 27 मार्च 2020 पर्यत हा प्रतिबंधात्मक आदेश लागू करण्यात आला आहे. या कलमांचा भंग करणा-या व्‍यक्‍तीविरुद्ध कायदेशीर कारवाई करण्‍यात येईल, असे अपर   जिल्हा दंडाधिकारी   यांनी कळविले आहे. 000000

महाराष्ट्राचे पहिले मुख्यमंत्री यशवंतराव चव्हाण यांना विभागीय आयुक्त कार्यालयात अभिवादन अमरावती ,   दि.   12   :   महाराष्ट्राचे पहिले मुख्यमंत्री यशवंतराव चव्हाण यांच्या जयंतीनिमित्त आज विभागीय आयुक्त   कार्यालयात त्यांच्या प्रतिमेला अभिवादन करण्यात आले. विभागीय आयुक्त पियूष सिंह यांनी यशवंतराव चव्हाण यांच्या प्रतिमेला पुष्पहार अर्पण करुन अभिवादन केले. याप्रसंगी उपायुक्त (सामान्य प्रशासन) संजय पवार, महसूल उपायुक्त गजेंद्र बावने, पुनर्वसन उपायुक्त प्रमोद देशमुख, तहसिलदार वैशाली पाथरे यांच्यासह अधिकारी व कर्मचारी उपस्थितीत होते. उपस्थितांनिही यावेळी यशवंतराव चव्हाण यांच्या प्रतिमेला अभिवादन केले.  *****

विभागीय लोकशाहीदिनी 7 प्रकरणे सादर अमरावती, दि. 09 : आज आयोजित विभागीय लोकशाही दिनात 7 प्रकरणे सादर करण्यात आली. या प्रकरणांवर आणि एकूणच लोकशाही दिनात सादर करण्यात आलेल्या प्रकरणांवर त्वरीत कार्यवाही करण्यात यावी असे विभागीय आयुक्त पियूष सिंह यांनी यावेळी सांगितले. प्रत्येक महिन्यातील दुसऱ्या सोमवारी लोकशाही दिनाचे आयोजन केले जाते. त्यानुसार आज विभागीय आयुक्त कार्यालयाच्या सभागृहात आयोजीत लोकशाही दिनात श्रीमती वैशाली पाथरे यांनी विभागातील विविध कार्यालयांशी निगडीत सात प्रकरणे सादर केली. ****

महाराष्ट्राचे पहिले मुख्यमंत्री यशवंतराव चव्हाण यांना विभागीय आयुक्त कार्यालयात अभिवादन अमरावती ,   दि.   12   :   महाराष्ट्राचे पहिले मुख्यमंत्री यशवंतराव चव्हाण यांच्या जयंतीनिमित्त  आज  विभागीय आयुक्त  कार्यालयात त्यांच्या प्रतिमेला अभिवादन करण्यात आले. विभागीय आयुक्त पियूष सिंह यांनी यशवंतराव चव्हाण यांच्या प्रतिमेला पुष्पहार अर्पण करुन अभिवादन केले. याप्रसंगी उपायुक्त (सामान्य प्रशासन) संजय पवार, महसूल उपायुक्त गजेंद्र बावने, पुनर्वसन उपायुक्त प्रमोद देशमुख, तहसिलदार वैशाली पाथरे यांच्यासह अधिकारी व कर्मचारी उपस्थितीत होते. उपस्थितांनिही यावेळी यशवंतराव चव्हाण यांच्या प्रतिमेला अभिवादन केले.  *****

विभागीय हातमाग कापड स्पर्धेचे आयोजन 17 रोजी अमरावती, दि. 6 : हातमाग विणकरांनी विणलेल्या उत्कृष्ठ हातमाग कापड नमुन्यांना प्रोत्साहन देऊन विणकरांना गौरविण्यासाठी सहकार, पणन व वस्त्रोद्योग विभागाच्यावतीने हातमाग कापड स्पर्धेचे आयोजन करण्यात येते. याअनुषंगाने विभागीय हातमाग कापड स्पर्धा 2019-20 चे आयोजन दि. 17 मार्च, 2020 रोजी दुपारी 12.30 वाजता विभागीय आयुक्त (महसुल) नागपूर यांचे कार्यालयाचे सभागृह येथे आयोजित करण्यात आली आहे. अमरावती आणि नागपूर विभागातील सर्व हातमाग विणकरांनी जास्तीत जास्त संख्येने या स्पर्धेत सहभागी व्हावे, असे आवाहन आयोजकांनी केले असून अधिक माहितीसाठी जिल्हा उपनिबंधक, सहकारी संस्था यांचे कार्यालय किंवा प्रादेशिक उपआयुक्त, वस्त्रोद्योग, नागपूर यांचे कार्यालयास 0721-2537927 या क्रमांकावर संपर्क साधावा असे स. ल. भोसले, प्रादेशिक उपआयुक्त, वस्त्रोद्योग नागपूर तथा सदस्य सचिव यांनी कळविले आहे. ****

  उद्या मेघगर्जनेसह पावसाची शक्यता अमरावती, दि. 5 : शुक्रवार   6 मार्च रोजी विदर्भात मेघ गर्जना व विजांच्या कडकडाटांसह पावसाची शक्यता हवामान विभागाच्यावतीने वर्तविण्यात आलेली आहे. त्याअनुषंगाने अशा परिस्थितीत शेतकऱ्यांनी शेतातील पक्व झालेली पिके जसे रब्बी ज्वारी, हरभरा, गहू इत्यादी पिकांची काढणी करुन घ्यावी, काढणी झालेल्या पिकाची मळणी करुन सुधारीत पिकाची साठवणूक करावी. मळणी करणे शक्य नसल्यास, काढलेली पिके पावसापासून संरक्षण होण्याच्या दृष्टीने योग्यरित्या झाकून ठेवावीत. जनावरे सुरक्षित ठिकाणी बांधवीत, असे आवाहन सुभाष नागरे, विभागीय कृषी सहंसचालक, अमरावती विभाग अमरावती यांनी केले आहे. ****