शिक्षकांच्या समस्या पंधरा दिवसात निकाली काढा - डॉ. रणजित पाटील
शिक्षकांच्या समस्या पंधरा दिवसात निकाली काढा - डॉ. रणजित पाटील Ø मुख्याध्यापकांच्या वेतननिश्चिती प्रकरणांसाठी शिबिराचे आयोजन अमरावती, दि.31 : जिल्ह्यातील प्राथमिक, माध्यमिक व उच्च माध्यमिक तसेच व्यावसायिक अभ्यासक्रमाशी निगडीत शिक्षकांच्या सेवाविषयक प्रलंबित असलेल्या समस्या येत्या पंधरा दिवसांत निकाली काढून अनुपालन अहवाल सादर करण्याचे निर्देश कौशल्य विकास व उद्योजकता राज्यमंत्री डॉ. रणजित पाटील यांनी आज शिक्षण विभागाच्या अधिकाऱ्यांना दिले. जिल्हाधिकारी कार्यालयातील नियोजन सभागृहात आयोजित शिक्षण विभागाच्या आढावा बैठकीत ते बोलत होते. यावेळी उप मुख्य कार्यकारी अधिकारी श्री. सानप, शिक्षणाधिकारी (माध्यमिक) निलीमा टाके, शिक्षणाधिकारी (प्राथमिक) प्रिया देशमुख, वेतन पथक अधिक्षक श्री. बिजवे यांचेसह शिक्षण विभागाचे अधिकारी व विविध शिक्षक संघटनेचे पदाधिकारी आदी उपस्थित होते. शिक्षकांच्या सेवा विषयक समस्यांसंदर्भात शिक्षक संघटनांचा व वैयक्तिक प्रकरणांचा आढावा घेत