सरदार वल्लभभाई पटेल व इंदिरा गांधी यांना अभिवादन

अमरावती, दि.31: लोहपुरुष, देशाचे माजी उपप्रधानमंत्री, गृहमंत्री सरदार वल्लभभाई पटेल यांच्या जयंतीनिमित्त व माजी प्रधानमंत्री इंदिरा गांधी यांच्या पुण्यतिथीनिमित्त विभागीय आयुक्त कार्यालयात आज विभागीय आयुक्त पियूष सिंह यांनी त्यांच्या प्रतिमेला पुष्पहार अर्पण करून अभिवादन केले.

यावेळी उप आयुक्त (महसूल) गजेंद्र बावणे, उप आयुक्त (पुरवठा) रमेश मावसकर, उप आयुक्त (पुनवर्सन) प्रमोद देशमुख, श्री मोहिते यांच्यासह अधिकारी व कर्मचारी उपस्थित होते. सरदार वल्लभभाई पटेल यांचा जन्मदिवस हा राष्ट्रीय एकता दिन म्हणून साजरा केला जातो. या दिनानिमित्त व जयंतीनिमित्त विभागीय आयुक्त पियूष सिंह यांनी उपस्थितीतांना राष्ट्रीय एकता व अखंडतेची शपथ दिली.