इयत्ता 12 वीच्या जुलै-ऑगस्ट
मध्ये होणाऱ्या
परीक्षेची आवेदनपत्रे स्विकारण्याच्या
तारखा जाहीर
·
आवेदनपत्रे
स्वीकारण्याची अंतीम मुदत 19 जुलै
अमरावती, दि. 31 : महाराष्ट्र राज्य माध्यमिक व उच्च माध्यमिक शिक्षण मंडळामार्फत नियमित,
पुनर्परिक्षार्थी, नाव नोंदणी प्रमाणपत्र प्राप्त झालेले खाजगी विद्यार्थी तसेच
श्रेणीसुधार योजने अंतर्गत व तुरळक विषय घेवून प्रविष्ट होणाऱ्या
विद्यार्थ्यांसाठी उच्च माध्यमिक प्रमाणपत्र (इ. 12 वी) परीक्षा जुलै-ऑगस्ट 2019
मध्ये आयोजित करण्यात आलेली आहे. त्यासाठी सदर परीक्षेत प्रविष्ठ होऊ इच्छिणाऱ्या
विद्यार्थ्यांची परीक्षेची आवेदनपत्र ऑनलाईन पध्दतीने www.mahahsscboard.maharashtra.gov.in किंवा www. mahahsscboard.in या संकेतस्थळावर
भरावयाची असून त्यांच्या तारखा खालीलप्रमाणे
उच्च माध्यमिक प्रमाणपत्र
(इ.12 वी) परीक्षासाठी परीक्षा अर्ज नियमित शुल्क भरुन दि. 3 जुलै ते 14 जुलै पर्यंत
स्वीकारण्यात यईल. विलंब शुल्क भरुन दि. 15 जुलै ते 19 जुलै पर्यंत स्वीकारण्यात येईल.
उच्च माध्यमिक शाळा, कनिष्ठ महाविद्यालयांनी दि. 20 जून ते 24 जून पर्यंत चलनाद्वारे
बँकेस शुल्क भरणे आवश्यक आहे. तसेच शुल्क भरल्याच्या चलनासह विद्यार्थ्यांच्या याद्या
26 जून पर्यंत मंडळाच्या कार्यालयात जमा करने अनिवार्य आहे.
सदर परीक्षेची आवेदनपत्रे ही ऑनलाईन पध्दतीने स्विकारण्यात
येणार असल्याने विद्यार्थ्यांनी आवेदनपत्रे त्यांच्या उच्च माध्यमिक शाळा/कनिष्ठ
महाविद्यालयांमार्फत भरावी. सर्व उच्च माध्यमिक शाळा/कनिष्ठ महाविद्यालयातील
प्राचार्य यांनी ऑनलाईन आवेदनपत्रे भरण्यासाठी खालील बाबी लक्षात घ्याव्यात.
ऑनलाईन आवेदनपत्र भरतांना फेब्रुवारी ते मार्च 2019
परीक्षेत अनुत्तीर्ण झालेल्या विद्यार्थ्यांना त्यांची या परीक्षेतील माहिती
आवेदनपत्रात ऑनलाईन घेता येईल. श्रेणीसुधार करु इच्छिणाऱ्या विद्यार्थ्यांसाठी
जुलै ते ऑगस्ट 2019 व फेब्रुवारी ते मार्च 2020 अशा लगतच्या दोनच संधी उपलब्ध
राहतील याची नोंद घ्यावी. नियमित शुल्कासह तसेच विलंब शुल्कासह आवेदनपत्रे सादर
केलेल्या विद्यार्थ्यांचे शुल्क दोन स्वतंत्र चलनाद्वारेच भरण्यात यावे. सर्व
विभार्गीय मंडळातील उच्च माध्यमिक शाळा/कनिष्ठ महाविद्यालयांनी प्रचलित शुल्क
मंडळाने निश्चित केलेल्या बँकेच्या खात्यामध्ये जमा करुन चलनाची प्रत व
विद्यार्थ्यांच्या याद्या दिलेल्या मुदतीच संबंधित विभागीय मंडळाकडे सादर
कराव्यात. आवेदनपत्रे नियमित शुल्काने भरावयाच्या तारंखामध्ये कोणतीही मुदतवाढ
देण्यात येणार नाही, असे राज्यमंडळ, पुणेचे सचिव डॉ. अशोक भोसले यांनी
प्रकटनाद्वारे कळविले आहे.
000000
कोणत्याही टिप्पण्‍या नाहीत:
टिप्पणी पोस्ट करा