संविधान दिनानिमित्त विभागीय आयुक्त कार्यालयात संविधानाच्या उद्देशिकेचे सामुहिक वाचन

संविधान दिनानिमित्त विभागीय आयुक्त कार्यालयात

संविधानाच्या उद्देशिकेचे सामुहिक वाचन

अमरावती, दि. 26 : विभागीय आयुक्त कार्यालयात संविधान दिन साजरा करण्यात आला. यावेळी विभागीय आयुक्त पियूष सिंह यांनी भारतीय संविधानाच्या उद्देशिकेचे वाचन केले.

उपायुक्त प्रमोद देशमुख, तहसीलदार अनिल भटकर, वैशाली पाथरे उपस्थित होते. उपस्थित अधिकारी, कर्मचारी यांनी संविधानाच्या उद्देशिकेचे सामुहिक वाचन केले. भारतीय संविधानाबाबत जनजागृती व्हावी, तसेच नागरीकांना संविधानाची ओळख व्हावी यासाठी राज्यात दरवर्षी 26 नोव्हेंबर रोजी संविधान दिन साजरा करण्यात येतो. भारतीय संविधान अंगीकृत आणि अधिनियमित करुन स्वत:प्रत अर्पण करण्याच्या घटनेला यावर्षी 70 वर्ष पूर्ण झाले आहे. त्याअनुषंगाने भारतीय संविधानातील नागरीकांचे मुलभूत कर्तव्य नागरीकांना माहिती व्हावे, यासाठी 26 नोव्हेंबर 2019 ते 26 नोव्हेंबर 2020 या कालावधीत जागरुकता मोहिम राबविण्यात येत आहे. या मोहिमेंतर्गत येत्या वर्षभर विविध उपक्रम राबविण्यात येतील.

0000