राष्ट्रसंत तुकडोजी महाराज यांना अभिवादन
अमरावती, दि. 30 : राष्ट्रसंत तुकडोजी महाराज यांच्या जयंतीनिमित्त विभागीय
आयुक्त कार्यालयात अभिवादन करण्यात आले.
विभागीय आयुक्त पियूष सिंह यांनी तुकडोजी महाराज यांच्या प्रतिमेला
पुष्पहार अर्पण करून अभिवादन केले. महसूल उपायुक्त गजेंद्र बावणे, सामान्य प्रशासन
उपायुक्त संजय पवार यांनीही तुकडोजी महाराज यांच्या प्रतिमेला पुष्पहार अर्पण करून
अभिवादन केले. यावेळी अधिकारी-कर्मचारी उपस्थित होते.
0000
शेतकऱ्यांना वेळेवर आणि योग्य दराने कृषि निवीष्ठा
मिळण्याबाबत सनियंत्रण कक्षाची
स्थापना
अमरावती दिनांक 22 :- खरीप व
रब्बी हंगाम 2021-2022 मध्ये शेतकऱ्यांना वेळेवर आणि योग्य दरात कृषि निविष्ठा
मिळणेबाबत व कृषि निविष्ठांच्या तक्रारी बाबतचे संनियंत्रण करण्यासाठी तसेच
कोव्हीड- 19 या संसर्गजन्य रोगाच्या अनुषंगाने येणाऱ्या सर्व अडचणीचे निराकरण
करण्यासाठी राज्य स्तर, विभागीय स्तर, जिल्हा स्तरावर संनियंत्रण कक्ष स्थापन करण्यात
यावे असे शासनाने निर्देश आहेत. त्यानुसार विभागस्तरावर खरीप हंगामासाठी 15 मे
2021 ते 15 ऑगस्ट 2021 पर्यत व रब्बी हंगामासाठी 15 सप्टेंबर, 2021 ते 30
नोव्हेंबर, 2021 पर्यत खालीलप्रमाणे तक्रार निवारण कक्ष स्थापन करण्यात येत आहे.
तक्रार निवारण कक्षाचे कामकाज सकाळी 10 ते रात्री 7 या कालावधीत सुरु राहील. ज्या
कर्मचा-यांच्या शासकीय सुटीच्या दिवशी कार्यालयात उपस्थित राहण्याबाबत सुचना
करण्यात आलेल्या आहेत ते कर्मचारी दिलेल्या वेळेमध्ये तक्रार निवारण कक्षाचे काम
सांभाळतील.
कार्यालयातील.
0721-2552422 दुरध्वनी क्रमांकावर दिलेल्या वेळेप्रमाणे विभागस्तरीय गुणानियंत्रण
कक्षाबाबत काम करावयाचे असुन दुरध्वनीद्वारे प्राप्त गुणनियंत्रणविषयक व
निविष्ठाविषयक तक्रारींची नोंद घेवून त्वरीत संबंधीत अधिकाऱ्यांना त्याबाबतीत अवगत
करावे. तंत्र अधिकारी एन.आर.बारापात्रे (9130301212), विभागीय गुणवत्ता नियंत्रण निरिक्षक ए. एस.
मस्करे (7588080633), कृषि अधिकारी व्हि. एस. जिरवणकर (8805474349), वरिष्ठ लिपिक
एस. टी. नागे (9822012341), वरिष्ठ लिपिक यु. एस. बसले (9890462179) आहे.
तक्रार
निवारण कक्ष सकाळी 10 ते रात्री 7 या कालावधीत सुरु राहील. कृषि विभागाचा
कर्मचारी/अधिकारी ह्या कालावधीत कक्षात उपलब्ध राहील. तक्रार निवारण कक्षातील
अधिकाऱ्याकडे सर्व कृषि विकास अधिकारी, आयुक्तालयातील अधिकारी, त्यांच्या
जिल्ह्यातील प्रमुख विक्रेते, यांचे दूरध्वनी क्रमांक असणे आवश्यक आहे. जेणेकरुन
त्याला तात्काळ मार्गदर्शन करता येईल. सदर अधिकाऱ्यास आपल्या कार्यक्षेत्रात
येणारे सर्व निविष्ठांची माहिती अद्यावत असणे आवश्यक आहे.
विभागात
बियाणे, रासायनिक खते व किटकनाशके पुरवठ्याचे सनियंत्रण करुन मा. कृषि संचालक (नि
व गुनि), कृषि आयुक्तालय, पुणे यांचेक सुचनेप्रमाणे शेतकऱ्यांना वेळेवर रास्त
भावात व दर्जेदार निविष्ठा उपलब्ध करुन देण्यासाठी सर्वतोपरी प्रयत्न करावे. तसेच
शेतकऱ्यांच्या प्राप्त तक्रारीची तात्काळ दखल घेऊन तक्रार वहीमध्ये तक्रार
करणाऱ्याचे नाव, तक्रारीचे स्वरुप, तक्रार प्राप्त दिनांक, वेळ, त्याला केले
मार्गदर्शन त्याचा संपर्क पत्ता, दुरध्वनी/भ्रमणध्वनी क्रमांक यांची नोंद घ्यावी.
ज्या तालुक्यातील, जिल्ह्यातील तक्रार आहे तेथील संबंधीत निरिक्षकास कळवून सदर
तक्रारीवर तात्काळ कार्यवाही करणास सूचित करावे.
0000000
युवकांनी रोजगाराच्या फसव्या
जाहीरातींना बळी पडू नये
अमरावती, दि. 22 : आदिवासी विकास विभागार्माफत
युवकांना रोजगार देण्याबाबत कोणत्याही प्रकारची जाहीरात प्रसिध्द करण्यात आली नसून
यूवकांनी फसव्या जाहीरातींना व आमिषाला बळी पडू नये असे आवाहन आदिवासी विकास
विभागाचे अपर आयुक्त विनोद पाटील यांनी केले.
अपर आयुक्त आदिवासी विकास,अमरावती
येथील कार्यालयाने कोणत्याही प्रकारच्या पद भरतीची जाहीरात प्रसिध्द केलेली नाही. पी.बी. गावंडे नावाचे
व्यक्ती स्वत:ला ह्या विभागाचे सहाय्यक आयुक्त सांगुन बेरोजगार उमेदवारांची फसवणुक
करीत असल्याचे ह्या विभागाचे निदर्शनास आले आहे. त्यामुळे अशा फसवणुकीस कोणत्याही
उमेदवारांनी बळी पडू नये. अधिक माहितीसाठी प्रत्यक्ष कार्यालयाशी संपर्क साधून
शहानिशा करावी.असे अपर आयुक्त आदिवासी विकास, विनोद पाटील अमरावती यांनी कळविले
00000
विभागीय लोकशाही दिन
नागरिकांनी तक्रारी पोस्टाव्दारे पाठवाव्या
अमरावती दि. 12 : दर महिन्याच्या दुसऱ्या
सोमवारी विभागीय लोकशाही दिनाचे आयोजन करण्यात येते. त्याअनुषंगाने दि. 12 एप्रिल रोजी
विभागीय लोकशाही दिनाचे आयोजन करण्यात आले होते. परंतु कोरोना विषाणूचा प्रसार झाल्यामुळे
लोकशाही दिनाचे आयोजन रद्द करण्यात आले.
सामान्य नागरीकांनी त्यांच्या समस्या,
विभागीय लोकशाही दिनामधील तक्रारी पोस्टाद्वारे तसेच
dcgamravati@gmail.com/dcg_amravati@rediffmail.com या ई-मेलद्वारे पाठवाव्या, असे संजय पवार, उपआयुक्त
(सा.प्र), अमरावती यांनी कळविले आहे.
00000
जिल्ह्यासाठी
4600 कोटींचा पतपुरवठा आराखडा
Ø गृहबांधणी, लघू उद्योगांसाठी भरीव
तरतूद
Ø पिक कर्जासाठी 1500 कोटींचा आराखडा
अमरावती, दि. 12 : अमरावती जिल्ह्याचा सन 2021-22 या वर्षासाठीचा पतपुरवठा
आराखडा आज जाहिर करण्यात आला. या आराखड्यानुसार जिल्ह्यातील कृषी, मध्यम-लघू
उद्योग, शिक्षण, गृह आदी महत्वाच्या क्षेत्रासाठी 4600 कोटींचा पतपुरवठा करण्यात
येणार आहे. जिल्हाधिकारी शैलेश नवाल यांनी या पतपुरवठा आराखड्याचे धोरण जाहिर
करण्यात आले. यावेळी जिल्हा उपनिबंधक संदीप जाधव, जिल्हा अग्रणी बँक व्यवस्थापक
एल. के. झा आदी उपस्थित होते.
या 4600 कोटी रूपयांच्या पतपुरवठा आराखड्यात पिक कर्जासाठी 1500 कोटी, कृषी
क्षेत्रासाठी 800 कोटी, मध्यम व लघू उद्योग क्षेत्रासाठी 1100 कोटी, शैक्षणिक
कर्जासाठी 80 कोटी, गृह बांधणीसाठी 520 कोटी, तर इतर प्राधान्य क्षेत्रासाठी 600
कोटी रूपयांचा पतपुरवठा करण्याचे धोरण आखण्यात आले आहे. याव्यतिरिक्त 400 कोटी
रूपयांचा पतपुरवठा बिगर प्राधान्य क्षेत्रासाठी प्रस्तावित करण्यात आला आहे.
जिल्ह्यात प्राधान्य क्षेत्रातील पिक कर्जासाठी सुमारे दोन लाख खातेदार
असणार आहे. यात खरीपसाठी एक लाख 64 हजार 950 तर रब्बीसाठी 35 हजार 50 खातेदार
आहेत. पिककर्जासाठी प्रस्तावित असणाऱ्या 1500 कोटीमधून 1200 कोटी खरीप तर 300 कोटी
रब्बीसाठी प्रस्तावित आहे. कृषी आणि कृषी संलग्न क्षेत्रांसाठीचे 2 लाख 58 हजार
630 खातेदार असून यासाठी 2300 कोटींचा पतपुरवठा करण्यात येणार आहे. लघू
उद्योगांसाठी 11 हजारर 524 खाते, शैक्षणिकसाठी 2 हजार 971 खाते, गृह बांधणीसाठी 6
हजार 440 खाते, इतर प्राधान्य क्षेत्रासाठी 252 हजार 932 खातेदार आहेत. तसेच बिगर
प्राधान्य क्षेत्रांची 19 हजार 660 खातेदार आहेत.
00000