यशकथा
लाख मोलाची मदत
जगभर कोरोनाचा वाढता प्रार्दुभावाला
थांबविण्यासाठी वेगवेगळी पाऊले उचलेली जात आहेत. यातच भारतात 24 मार्चपासून भारत सरकारने
देशभर लॉकडाऊनचा निर्णय घेतला. ‘जे लोक जिथे असतील त्यांनी तिथेच राहावे’ त्यांच्या
जीवनावश्यक गरजांची सोय शासन यावेळी पुर्ण करणार, असे आश्वासन सरकारकडून देण्यात आले
आहेत.
व्यवसाय, नोकरी करणा-यांना
घरीच राहण्याचे निर्देश देण्यात आलेले आहेत. ज्यांची कामे घरून होत असतील त्यांनी ती
कामे घरी राहूनच करावी. केवळ जीवनावश्यक वस्तुंची दुकाने, औषधी विक्रेत्यांची दुकानांना
यातून वगळण्यात आलेले आहेत. यासह आवश्यक सेवेमध्ये मोडणा-या अधिकारी-कर्मचारी यांना
आळीपाळीने येण्याची सोय लॉकडाऊन असेपर्यंत राहणार आहे. ही सर्व व्यवस्था कोरोनाचा संसर्ग
होऊ नये, प्रकोप वाढू नये या दृष्टीने करण्यात आलेली आहे.
महाराष्ट्र
शासनानेही वेगवेगळया उपयायोजना आखून प्रत्येकाला मदतीचा हात देण्याचा प्रयत्न केला
आहे. यामध्ये तात्पुरत्या निवा-याची, जेवणाची, आदि सुविधा उपलब्ध करून देण्यात येत
आहेत. माझ्या बाबांचे निधन 15 मार्चला झाल्यामुळे
मी नागपूरला आले होते. प्रथेप्रमाणे सर्व सोपस्कार आटोपून मी 22 तारखेला अमरावती येथे
सासरच्या नातेवाईकांकडे आले. रविवार दिनांक 23 तारखेला देशभर ‘जनता कर्फ्युं’ लावण्यात
आला होता. त्याला उत्स्फूर्त प्रतिसाद मिळाला. पुढे 24 तारखेपासून सुरक्षितेतेसाठी
देशभर लॉकडाऊन घोषित केल्यामुळे नवी दिल्ली येथे जाता आले नाही. सर्वांनाच घरी रहावे
लागत आहे. यामुळे कोरोनाच्या संक्रमनापासून बचाव होतच आहे, हे खरेच आहे.
जे लोक दारिद्रय रेषेखाली
आहेत त्यांची गैरसोय टाळण्यासाठी शासनातर्फे त्यांना घरपोच अन्न-धान्य पुरविण्यात आलेले
आहे. सध्या मी अमरावतीतील यशोदा नगर या परिसररात नातेवाईकांकडे आहे. घराच्या बाजुला
असलेली ज्येष्ठ नागरीक पार्वताबाई गडलींग वय जवळपास 65 वर्ष असेल या एकटयाच राहतात.
त्यांच्या मागे पुढे कुणीच नाही. या कठीण समयी शासनाच्यावतीने त्यांना महिनाभर पुरेल
येवढे साहित्य पोलीसांमार्फत घरपोच मिळालेले आले. यामध्ये तांदुळ, गव्हाचे पीठ, दाळ,
तेल, तीखट, मीठ, चहापत्ती, साखर असे सर्व किराणा साहित्य आहे.
शासनाकडून मिळालेल्या या
मदतीबद्दल विचारले असता त्या म्हणाल्या, ‘माझ्या नात्यातल जवळ कुणीच नाही आहे, शासनाकडून
अशा काळात मिळालेली ही मदत माझ्यासाठी फार मोठी आहे, लाख लाख धन्यवाद…
शासनाकडून मिळालेली ही
मदत त्यांच्यासाठी सध्याच्या घडीला लाख मोलाची ठरत आहे.
अंजु निमसरकर
माहिती अधिकारी
कोणत्याही टिप्पण्‍या नाहीत:
टिप्पणी पोस्ट करा