पदवीधर मतदारसंघ निवडणूक
मतदान ओळखपत्र नसल्यास विविध पर्याय
अमरावती, दि. २१ : पदवीधर मतदारसंघाच्या निवडणूकीसाठी मतदान करताना जे मतदार ओळखपत्र (EPIC) सादर करु शकत नाहीत, त्यांना ओळख पटविण्यासाठी मतदार ओळखपत्राच्या (EPIC) व्यतिरिक्त पर्यायी कागदपत्रे पुरावा म्हणून सादर करता येतील. तसे आदेश राष्ट्रीय निवडणूक आयोगाने दिले आहेत.
त्यानुसार आधारकार्ड, वाहनचालक परवाना, पॅनकार्ड, पारपत्र, केंद्र/राज्य सरकार/सार्वजनिक उपक्रम/ पब्लिक लिमिटेड कंपन्या यांनी कर्मचा-यांना जारी केलेले फोटोसह ओळखपत्र, खासदारांना/आमदारांना जारी करण्यात आलेले अधिकृत ओळखपत्र, संबंधित शिक्षक आणि पदवीधर मतदारसंघातील मतदार ज्या शैक्षणिक संस्थेत नोकरी करत आहेत त्या शैक्षणिक संस्थांनी जारी केलेले सेवा ओळखपत्र, विद्यापीठाद्वारा वितरित मूळ पदवी/पदविका प्रमाणपत्र, सक्षम प्राधिका-याने दिलेले शारीरिक दिव्यांगत्वाचे मूळ प्रमाणपत्र, भारत सरकारच्या सामाजिक न्याय आणि सक्षमीकरण मंत्रालयाने वितरित केलेले युनिक डिसॅबिलीटी ओळखपत्र (UDID) आदी पर्याय जाहीर करण्यात आले आहेत.
00000
कोणत्याही टिप्पण्या नाहीत:
टिप्पणी पोस्ट करा