विभागीय लोकशाही दिनात 15 प्रकरणांवर सुनावणी
प्रलंबित प्रकरणांचा तात्काळ निपटारा करा
-उपायुक्त संजय पवार
अमरावती, दि. 12 : नागरिकांकडून प्राप्त तक्रार अर्जांवर विहित कालमर्यादेत कार्यवाही करण्यात यावी. प्रलंबित प्रकरणांचा तात्काळ निपटारा करुन केलेल्या कार्यवाहीबाबत संबंधित तक्रारदारांना पत्राव्दारे कळविण्यात यावे, असे निर्देश उपायुक्त (साप्रवि) संजय पवार यांनी संबंधित विभागप्रमुखांना आज येथे दिले.विभागीय आयुक्तालयाच्या सभागृहात उपायुक्त श्री. पवार यांच्या अध्यक्षतेखाली आज लोकशाही दिन व महिला लोकशाही
दिनाचे कामकाज पार पडले. त्यावेळी ते बोलत होते. उपायुक्त (पुरवठा) आर.एस. आडे, उपायुक्त (विकास) आर.ए. फडके, एस. व्ही. कावळे, महिला व बालविकास उपायुक्त, यवतमाळचे उपजिल्हाधिकारी सुदर्शन गायकवाड, आदिवासी विकास विभागाचे सहाय्यक आयुक्त शिवानंद पेढेकर यांच्यासह महसूल, पोलीस, कृषी, महापालिका, सहकार, महिला व बालविकास, समाजकल्याण व ऊर्जा विभागाचे अधिकारी यावेळी उपस्थित होते.
लोकशाही दिनात नव्याने दाखल सात प्रकरणे व यापूर्वीचे आठ प्रकरणे अशा 15 प्रकरणांवर सुनावणी झाली. आधीच्या आठ प्रकरणांपैकी तीन प्रकरणे निकाली काढण्यात आलीत. सामान्य तक्रार अर्ज अंतर्गत एकूण 25 प्रकरणांवर चर्चा यावेळी करण्यात आली. उपायुक्त श्री. पवार यांनी तक्रारदारांचे म्हणने ऐकुण घेतले. तसेच प्रकरणांच्या अनुषंगाने आवश्यक कार्यवाही करण्याच्या सूचना त्यांनी संबंधित विभागप्रमुखांना दिल्या. महिला लोकशाही दिनाचे कामकाजही यावेळी करण्यात आले.
00000
.jpeg)
.jpeg)
कोणत्याही टिप्पण्या नाहीत:
टिप्पणी पोस्ट करा