शुक्रवार, ७ नोव्हेंबर, २०२५
समूह साधन केंद्र समन्वयक मर्यादित विभागीय स्पर्धा परीक्षा * सुधारित निवेदन जाहीर ; जानेवारी/फेब्रुवारी 2026 मध्ये परीक्षा होणार
अमरावती, दि. 06 : महाराष्ट्र राज्य परीक्षा परिषद, पुणे यांच्यावतीने आयोजित करण्यात येणाऱ्या समूह साधन केंद्र समन्वयक (केंद्र प्रमुख) मर्यादित विभागीय स्पर्धा परीक्षा-2025 या परीक्षेबाबत सुधारित प्रसिद्धी निवेदन जाहीर करण्यात आले आहे. त्यानुसार सदर परीक्षा ही आता माहे जानेवारी किंवा फेब्रुवारी 2026 मध्ये ऑनलाईन पध्दतीने होणार आहे, असे महाराष्ट्र राज्य परीक्षा परिषदेच्या आयुक्त अनुराधा ओक यांनी प्रसिध्दीपत्रकाव्दारे कळविले आहे.
यापूर्वी जाहीर केल्याप्रमाणे ही परीक्षा ऑनलाईन पद्धतीने दि. 01 ते 05 डिसेंबर 2025 दरम्यान घेण्यात येणार होती. तथापि, काही तांत्रिक व प्रशासकीय कारणांमुळे या परीक्षेचे आयोजन आता जानेवारी / फेब्रुवारी 2026 मध्ये करण्यात येणार असून, सुधारित तारखा महाराष्ट्र राज्य परीक्षा परिषदेच्या www.mscepune.in या अधिकृत संकेतस्थळावर लवकरच प्रसिद्ध केल्या जातील, असे परिषदेतर्फे कळविण्यात आले आहे.
सदर परीक्षेसाठी ऑनलाईन आवेदनपत्र भरण्याची अंतिम मुदत पूर्वी 10 नोव्हेंबर 2025 होती. आता ती वाढवून 1 जानेवारी 2026 पर्यंत करण्यात आली आहे. त्यामुळे उमेदवारांचा अनुभव व शैक्षणिक पात्रता विचारात घेण्यासाठी 1 जानेवारी 2026 ही अंतिम तारीख मानण्यात येईल.
या परीक्षेद्वारे महाराष्ट्रातील सर्व जिल्हा परिषदांमधील कार्यरत प्राथमिक शिक्षकांना केंद्रप्रमुख पदावर नियुक्ती
भूमि अभिलेख विभागातील गट क पदांची 13 व 14 नोव्हेंबरला परीक्षा परीक्षेचे वेळापत्रक व प्रवेशपत्राबाबत माहिती https://mahabhumi.gov.in या संकेतस्थळावर उपलब्ध
अमरावती दि.06 : भूमि अभिलेख विभागातील गट क पदसमुह 4 (भूकरमापक) संवर्गातील रिक्त पदे सरळसेवेने भरण्याकरीता रोजी जाहीरात प्रसिद्ध करण्यात आली होती. त्यानुसार 1 ते 24 ऑक्टोबर या कालावधीत ऑनलाईन अर्ज स्विकृतीचे कामकाज करण्यात आले असून ऑनलाईन अर्ज सादर केलेल्या उमेदवारांची ऑनलाईन परीक्षा (Computer Based Test) 13 व 14 नोव्हेंबर या कालावधीत महाराष्ट्रातील विविध केंद्रांवर घेण्यात येणार आहे, असे जमाबंदी आयुक्त आणि संचालक (भूमि अभिलेख) डॉ. सुहास दिवसे यांनी प्रसिध्दी पत्रकाव्दारे कळविले आहे.
परीक्षेचे वेळापत्रक पुढीलप्रमाणे : दि. 13 नोव्हेंबर रोजी प्रथम सत्रात पुणे, अमरावती विभागांची परीक्षा होणार असुन उमेदवारांची परीक्षा केंद्रावर रिपोर्टींगची वेळ सकाळी 8.00 वाजताची राहील. त्याच दिवशी ( 13 नोव्हेंबर) द्वितीय सत्रात नाशिक व नागपूर विभागातील परीक्षा होणार असुन उमेदवारांची परीक्षा केंद्रावर रिपोर्टींगची वेळ दुपारी 12 वाजताची असेल.
दि. 14 नोव्हेंबर 2025 रोजी, प्रथम सत्रात मुंबई (कोकण) विभागाची परीक्षा होणार असून उमेदवारांची रिपोर्टींगची वेळ सकाळी 8.00 वाजताची असेल. दुसऱ्या सत्रात छ.संभाजीनगर विभागाची परीक्षा होणार असुन उमेदवारांची रिपोर्टींगची वेळ दुपारी 12 वाजताची असेल.
परीक्षेचे विभागनिहाय वेळापत्रक व उमेदवारांचे परीक्षेच्या प्रवेशपत्राबाबत विभागाच्या अधिकृत संकेतस्थळावर https://mahabhumi.gov.in लिंक उपलब्ध करुन देण्यात आली आहे. पात्र उमेदवाराने विभागाच्या अधिकृत संकेतस्थळावर देण्यात आलेल्या सुचनांनुसार प्रवेशपत्र डाऊनलोड करुन घ्यावयाचे असून प्रवेशपत्रावर नमूद परीक्षा केंद्रावर उमेदवाराने दिलेल्या वेळेत उपस्थित राहून परीक्षा द्यावयाची आहे. परीक्षा केंद्र बदलण्याबाबतच्या कोणत्याही विनंतीचा विचार केला जाणार नाही.
परीक्षा ऑनलाईन पध्दतीने (Computer Based Test) होणार असल्यामुळे उमेदवाराचे परीक्षा केंद्र हे महाराष्ट्र राज्यातील कोणत्याही जिल्हा, तालुका अथवा इतर ठिकाणी असून शकते. तसेच काही अपरिहार्य कारणास्तव परीक्षेच्या दिनांकामध्ये बदल झाल्यास त्याबाबतची माहिती विभागाच्या https://mahabhumi.gov.in या संकेतस्थळावर प्रसिध्द करण्यात येईल.
परीक्षा पध्दतीबाबतची सविस्तर माहिती पुस्तिका विभागाच्या अधिकृत संकेतस्थळावर प्रसिध्द करण्यात आली असून परीक्षेचे प्रवेशपत्र डाऊनलोड करण्याकरीता लिंक विभागाच्या उपरोक्त संकेतस्थळावर उपलब्ध करुन देण्यात येणार आहे, असे भूमि अभिलेख विभागाव्दारे प्रसिध्दी पत्रकाव्दारे कळविण्यात आले आहे.
23 नोव्हेंबरला महाराष्ट्र शिक्षक पात्रता परीक्षा परीक्षेबाबतच्या माहितीसाठी www.mscepune.in व http://mahatet.in संकेतस्थळ उपलब्ध
अमरावती दि. 06 : महाराष्ट्र राज्य परीक्षा परिषद, पुणे यांच्यामार्फत महाराष्ट्र शिक्षक पात्रता परीक्षा- 2025 (टिईटी-2025) परीक्षेचे आयोजन रविवार, 23 नोव्हेंबर रोजी करण्यात आले आहे. याची सर्व संबंधित उमेदवारांनी नोंद घ्यावी, असे आवाहन महाराष्ट्र राज्य परिषदेच्या आयुक्त अनुराधा ओक यांनी प्रसिध्दी पत्रकाद्वारे केले आहे.
या परीक्षेसाठी बंगाली, कन्नड, तेलगु, गुजराथी माध्यमांच्या विद्यार्थी/उमेदवारांची राज्यामध्ये एकूण संख्या कमी प्रमाणात असल्याने संबंधित सर्व विद्यार्थी/उमेदवारांना परीक्षा केंद्र उपलब्ध करण्यात आले आहेत, याची संबंधित सर्व विद्यार्थी / उमेदवारांनी नोंद घ्यावी.
परीक्षेसंबंधीच्या चुकीच्या बातम्या व अफवांवर विश्वास ठेवू नये
महाराष्ट्र शिक्षक पात्रता परीक्षा (TET) 2025 परीक्षेच्या आयोजनाची कार्यवाही सुरु असून, परीक्षेसंबधित कार्यवाहीबाबत वेळोवेळी महाराष्ट्र राज्य परीक्षा परिषदेच्या संकेतस्थळावर अधिकृत माहिती उपलब्ध करुन देण्यात येते. परीक्षेसंबंधी युट्युब चॅनल्स, सोशल मिडिया प्लेटफॉर्मद्वारे व प्रसारमाध्यमांद्वारे दिल्या जाणाऱ्या चुकीच्या व दिशाभूल करण्याऱ्या बातम्या किंवा अफवांवर विश्वास ठेवू नये. महाराष्ट्र राज्य परीक्षा परिषदेच्या www.mscepune.in व http://mahatet.in या अधिकृत संकेतस्थळावर वेळोवेळी देण्यात येणाऱ्या सूचना व माहितीचे अवलोकन करावे. याबाबत सर्व संबंधित उमेदवारांनी नोंद घ्यावी, असेही महाराष्ट्र राज्य परिषदेद्वारे कळविण्यात आले आहे.
मंगळवार, ४ नोव्हेंबर, २०२५
288 नगरपरिषदा व नगरपंचायतींसाठी 2 डिसेंबर 2025 रोजी मतदान
3 डिसेंबर 2025 मतमोजणी
मुंबई, दि. 04 : राज्यातील 246 नगरपरिषदा व 42 नगरपंचायतींच्या (एकूण 288) सदस्यपदासाठी आणि थेट अध्यक्षपदाच्या सार्वत्रिक निवडणुकांकरिता 2 डिसेंबर 2025 रोजी मतदान; तर 3 डिसेंबर 2025 रोजी मतमोजणी होणार आहेत. या सर्व नगरपरिषदा व नगरपंचायतींच्या कार्यक्षेत्रात आजपासून आचारसंहिता लागू झाल्याची घोषणा राज्य निवडणूक आयुक्त दिनेश वाघमारे यांनी पत्रकार परिषदेत केली. सचिवालय जिमखान्यात झालेल्या पत्रकार परिषदेत ते बोलत होते. आयोगाचे सचिव सुरेश काकाणी यावेळी उपस्थित होते. दिनेश वाघमारे यांनी सांगितले की, या निवडणुकांसाठी नामनिर्देशनपत्र दाखल करण्यास 10 नोव्हेंबर 2025 पासून सुरुवात होईल. नामनिर्देशपत्र दाखल करण्याची अंतिम तारीख 17 नोव्हेंबर 2025 असेल. नामनिर्देशनपत्रांची छाननी 18 नोव्हेंबर 2025 रोजी होईल. निवडणूक निर्णय अधिकाऱ्यांच्या निर्णयाविरुद्ध अपील नसलेल्या ठिकाणी 21 नोव्हेंबर 2025 पर्यंत; तर अपील असलेल्या ठिकाणी 25 नोव्हेंबर 2025 पर्यंत नामनिर्देशनपत्रे मागे घेता येतील. 2 डिसेंबर 2025 रोजी सकाळी 7.30 ते सायंकाळी 5.30 पर्यंत मतदानाची वेळ असेल. मतमोजणी सर्व संबंधित ठिकाणी 3 डिसेंबर 2025 रोजी सकाळी 10 वाजल्यापासून सुरु होईल. निकाल जाहीर झाल्यानंतर नगरपरिषदा व नगरपंचायतींच्या क्षेत्रापुरती आचारसंहिता संपुष्टात येईल.
राज्यातील एकूण 247 पैकी 246 नगरपरिषदांसाठी ही निवडणूक होत आहे. निवडणूक होत असलेल्यांपैकी 10 नवनिर्मित नगरपरिषदा आहेत. उर्वरित सर्व 236 नगरपरिषदांची मुदत संपली आहे. न्यायालयीन प्रकरणामुळे पातूर (जि. अकोला) नगरपरिषदेची निवडणूक प्रक्रिया प्रलंबित आहे. त्याचबरोबर एकूण 147 पैकी 42 नगरपंचायतींसाठी निवडणूक होत आहे. निवडणूक होत असलेल्यांपैकी 15 नवनिर्मित; तर उर्वरित सर्व 27 नगरपंचायतींची मुदत यापूर्वीच संपली आहे. 105 नगरपंचायतींची मुदत अद्याप संपलेली नाही. निवडणुकांच्या तयारीच्या अनुषंगाने राजकीय पक्षांच्याही प्रतिनिधींशीही संवाद साधण्यात आला असल्याचे वाघमारे यांनी सांगितले.
एकापेक्षा अधिक मते देणे अपेक्षित
नगरपरिषदेच्या निवडणुकीत बहुसदस्यी पद्धती असून एका प्रभागात सर्वसाधारणपणे दोन जागा असतात. एकूण सदस्य संख्येचा विषम आकडा असलेल्या नगरपरिषदेत एका प्रभागात तीन जागा असतात. त्याचबरोबर थेट अध्यक्षपदासाठीदेखील मतदान होत असल्याने साधारणत: एका मतदाराने तीन ते चार जागांसाठी मत देणे अपेक्षित आहे. एका नगरपरिषदची एकूण सदस्य संख्या कमीत कमी 20 ते 75 पर्यंत असते.
नगरपंचायतीची निवडणूक एकसदस्यीय पद्धतीने होत असली तरी नगरपंचायतीच्या मतदारानेदेखील दोन मते देणे अपेक्षित आहे. एक मत सदस्यपदासाठी; तर दुसरे मत थेट अध्यक्षपदासाठी द्यावे लागेल. सर्व नगरपंचायतीमध्ये सदस्यपदाच्या 17 जागा असतात.
जात वैधता प्रमाणपत्राचा पुरावा
राखीव प्रभागातून निवडणूक लढविणाऱ्या उमेदवारांना जात प्रमाणपत्र व जातवैधता प्रमाणपत्र सादर करणे आवश्यक आहे; परंतु जातवैधता प्रमाणपत्र उपलब्ध नसल्यास त्यासाठी पडताळणी समितीकडे केलेल्या अर्जाची पोहोच पावती नामनिर्देशनपत्रासोबत सादर करण्याची मुभा देण्यासाठी शासनाने संबंधित अधिनियमात दुरुस्ती केली आहे. मात्र, असा उमेदवार निवडून आल्याचे घोषित झाल्याच्या दिनांकापासून त्याला सहा महिन्यांच्या आत जातवैधता प्रमाणपत्र सादर करणे बंधनकारक आहे, अन्यथा त्यांची निवड भूतलक्षी प्रभावाने रद्द करण्याची संबंधित अधिनियमात तरतूद करण्यात आली आहे, असेही वाघमारे यांनी सांगितले.
नामनिर्देशनपत्रासाठी संकेतस्थळ
स्थानिक स्वराज्य संस्थाच्या निवडणुकांतील उमेदवारांना नामनिर्देशनपत्र व शपथपत्र दाखल करण्यासाठी राज्य निवडणूक आयोगाने https://mahasecelec.in हे संकेतस्थळ विकसित केले आहे. त्यावर नोंदणी करून नगरपरिषद व नगरपंचायतीच्या निवडणुकीसाठी उमेदवारांना नामनिर्देशनपत्र दाखल करता येईल. एका नोंदणीद्वारे संबंधित प्रभागात एका उमेदवारास चार नामनिर्देशनपत्र दाखल करता येऊ शकतील. संकेतस्थळावर संपूर्ण नामनिर्देशनपत्र व शपथपत्र भरल्यानंतर त्याची मुद्रित प्रत काढून त्यावर स्वाक्षरी करावी लागेल. त्यानंतर ती प्रत विहित मुदतीत संबंधित निवडणूक निर्णय अधिकाऱ्याकडे दाखल करणे आवश्यक राहील.
मतदान केंद्र आणि ईव्हीएम
नगरपरिषदा व नगरपंचायतींच्या निवडणुकांसाठी एकूण 1 कोटी 7 लाख 3 हजार 576 मतदार असून त्यासाठी सुमारे 13 हजार 355 मतदान केंद्रांची व्यवस्था करण्यात आली आहे. या निवडणुकांसाठी पुरेशा इलेक्ट्रॉनिक मतदान यंत्रांची व्यवस्था करण्यात आली आहे. त्यात 13 हजार 726 कंट्रोल युनिट आणि 27 हजार 452 बॅलेट युनिटची उपलब्धता केली आहे. अन्य निवडणुकांच्यादृष्टीनेदेखील पर्यायी व्यवस्था करण्यात आली आहे.
उमेदवारांसाठी खर्च मर्यादा
नगरपरिषदा व नगरपंचायतींच्या निवडणुकांतील थेट अध्यक्ष आणि सदस्यपदाच्या उमेदवारांसाठी राज्य निवडणूक आयोगाने निवडणूक खर्च मर्यादा वाढविली आहे. ती पुढीलप्रमाणे: ‘अ’ वर्ग नगरपरिषद: थेट अध्यक्ष- 15,00,000, सदस्य- 5,00,000. ‘ब’ वर्ग नगरपरिषद: थेट अध्यक्ष- 11,25,000, सदस्य- 3,50,000 आणि ‘क’ वर्ग नगरपरिषद: थेट अध्यक्ष- 7,50,000, सदस्य- 2,50,000. नगरपंचायत: थेट अध्यक्ष- 6,00,000, सदस्य- 2,25,000.
मतदारांसाठी संकेतस्थळ
नगरपरिषद व नगरपंचायतीच्या निवडणुकीसाठी मतदाराला मतदार यादीतील आपले नाव शोधण्याकरिता https://mahasecvoterlist.in हे संकेत स्थळ विकसित केले आहे.
प्रभागनिहाय मतदार यादी प्रसिध्द झाल्यानंतरच नाव शोधता येईल. संकेतस्थळावरील सर्च नेम इन वोटर लिस्ट यावर क्लिक करून नाव किंवा मतदार ओळखपत्र क्रमांक नमूद करुन मतदार यादीतील आपले नाव शोधता येईल. मतदान केंद्रनिहाय मतदार यादी प्रसिध्द झाल्यानंतर मतदार यादीतील आपल्या नावासोबतच आपले मतदान केंद्रदेखील शोधता येईल.
मतदारांसाठी नवीन मोबाईल ॲप
मतदारांना मतदार यादीत नाव शोधणे अधिक सुलभ व्हावे, यासाठी नवीन मोबाईल ॲप विकसित केले आहे. मोबाईल ॲपच्या माध्यमातून मतदारांना आपल्या नावाबरोबरच आपले मतदान केंद्रदेखील शोधता येईल. उमेदवारांना नामनिर्देशनपत्रासोबत शपथपत्रेही दाखल करावी लागतात. त्यातून मतदारांना उमेदवारांची गुन्हेगारीविषयक पार्श्वभूमी, शैक्षणिक व आर्थिक परिस्थिक समजू शकते. ही माहितीसुद्धा या ॲपमधून मिळू शकेल.
मतदार जागृती
नगरपरिषदा व नगरपंचायतींच्या निवडणुकांमध्ये मतदानाचे प्रमाण वाढविण्यासाठी मोठ्या प्रमाणावर मतदार जागृती करण्याचे आदेश संबंधित सर्व जिल्हाधिकारी आणि नगरपरिषदा व नगरपंचायतींच्या मुख्यकार्यकारी अधिकाऱ्यांना दिले आहेत. पारंपरिक प्रसारमाध्यमांबरोबरच नवीन माध्यमांचा कौशल्यपूर्ण वापर करण्याबाबत आयोगाने 12 जून 2025 रोजी पत्राद्वारे सर्वांना निर्देश दिले आहेत. मतदार जागृतीसंदर्भातील सर्व सूचना व निर्देश मार्गदर्शक स्वरुपात असून, स्थानिक पातळीवर काही नावीन्यपूर्ण उपक्रम सुचल्यास तेही आपापल्या स्तरावर राबविण्याबाबत कळविले आहे.
संभाव्य दुबार नावांबाबत दक्षता
स्थानिक स्वराज्य संस्थांच्या मतदार यादीतील संभाव्य दुबार मतदाराच्या नावासमोर (**) असे चिन्ह नमूद करण्यात येत. असे मतदार कुठल्या मतदान केंद्रावर मतदान करणार आहेत, याबाबत त्यांना आवाहन करण्यात येईल. या आवाहनाला प्रतिसाद मिळाल्यानंतर अशा मतदारांकडून तो कोणत्या मतदान केंद्रावर मतदान करणार आहे, याबाबत विहित नमुन्यात अर्ज भरून घेतला जाईल. त्याने नमूद केलेले मतदान केंद्र वगळता त्यास उर्वरित कोणत्याही मतदान केंद्रावर मतदान करता येणार नाही; परंतु प्रतिसाद न मिळाल्यास संभाव्य दुबार नाव असलेला मतदार मतदान केंद्रावर मतदानासाठी आल्यास त्याच्याकडून त्याने इतर कोणत्याही मतदान केंद्रावर मतदान केले नसल्याबाबत किंवा करणार नसल्याचे विहित नमुन्यातील हमीपत्र लिहून घेण्यात येईल. त्याचबरोबर त्याची काटेकोरपणे ओळख पटल्यानंतरच त्याला संबंधित मतदान केंद्रावर मतदान करण्याची मुभा देण्यात येईल.
मतदान केंद्रावरील सुविधा
मतदान केंद्रावर दिव्यांग, तान्ह्या बाळासह असणाऱ्या महिला, गरोदर महिला, ज्येष्ठ नागरिक आदींना प्राधान्याने मतदान करून दिले जाईल. दिव्यांग आणि ज्येष्ठ नागरिकांसाठी मतदान केंद्रावर कायमस्वरुपी रॅम्पची व्यवस्था नसल्यास तात्पुरती सुविधा उभारली जाईल. व्हिलचेअरचीही व्यवस्था असेल. मतदान केंद्रावर विजेची व्यवस्था, पिण्याच्या पाण्याची, सावलीची सुविधा, शौचालयाची व्यवस्था उपलबद्ध करून दिली जाईल. संबंधित ठिकाणी कृष्ठरोग्यांसाठी वेगळे वसतिगृह/ आश्रम असल्यास त्यांच्यासाठी स्वतंत्र मतदान केंद्र उभारण्यास हरकत नसेल. तिथे उपलब्धतेनुसार डॉक्टरांची नेमणूक केली जाईल. सर्व मतदान केंद्रांमध्ये किमान सुविधा असणे आवश्यकच असेल; परंतु शक्य असेल तिथे आदर्श मतदान केंद्र उभारण्याचा प्रयत्न असेल. महिला मतदारांची संख्या जास्त असलेल्या ठिकाणी सर्व निवडणूक अधिकारी- कर्मचारी आणि पोलीस कर्मचारी महिला असतील, असे मतदान केंद्र ‘पिंक मतदान केंद्र’ म्हणून ओळखले जाईल. मतदान केंद्राच्या आत मतदारांना मोबाईल नेण्यास बंदी असेल. मतदान केंद्राच्या इमारतीमध्ये; परंतु मतदान केंद्राच्या बाहेर मतदारांना मोबाईल जमा करण्यासाठी शक्य तिथे कक्ष असेल.
मनुष्यबळाची व्यवस्था
नगरपरिषद व नगरपंचायतींच्या या निवडणुकांसाठी 288 निवडणूक निर्णय अधिकारी आणि 288 सहायक निवडणूक निर्णय अधिकाऱ्यांची आवश्यकता असून, त्याची पूर्तता करण्यात आली आहे. साधारणत: 66,775 इतक्या निवडणूक अधिकारी कर्मचाऱ्यांची गरज भासेल, ती देखील व्यवस्था झाली आहे. महसूल विभागीय आयुक्त आणि सर्व जिल्हाधिकाऱ्यांना आवश्यक मनुष्यबळाबाबत निर्देश देण्यात आले आहेत. राज्याच्या मुख्य सचिवांसोबतदेखील बैठका आयोजित करून मनुष्यबळाबाबत नियोजन केले आहे.
आचारसंहिता
निवडणूक कार्यक्रम जाहीर झाल्यापासून संबंधित नगरपरिषदा व नगरपंचायतींच्या क्षेत्रात आचारसंहिता लागू झाली आहे. नगरपरिषदा व नगरपंचायतींच्या कार्यक्षेत्रात ही आचारसंहिता लागू असली तरी अन्य ठिकाणीदेखील नगरपरिषदा व नगरपंचायतींच्या मतदारांवर प्रभाव पाडणारी घोषणा किंवा कृती करता येणार नाही. आचारसंहिता लागू झाल्यामुळे शासनाला नगरपरिषदा व नगरपंचायतींच्या कार्यक्षेत्राशी संबंधित धोरणात्मक निर्णय घेता येणार नाहीत.नैसर्गिक आपत्तीबाबत करावयाच्या उपाययोजना किंवा मदतीसंदर्भात आचारसंहितेची आडकाठी असणार नाही. आचारसंहिता आणि कायदा व सुव्यवस्थेसंदर्भात राज्य निवडणूक आयोगाने 4 नोव्हेंबर 2025 दोन स्वतंत्र आदेश निर्गमित केले आहेत.
जिल्हानिहाय नगरपरिषदा व नगरपंचाती (न.पं.)
पालघर- डहाणू, जव्हार, पालघर आणि वाडा (न.पं). रायगड- अलिबाग, कर्जत, खोपोली, महाड, माथेरान, मुरुड- जंजिरा, पेण, रोहा, श्रीवर्धन आणि उरण (न.प.). रत्नागिरी- चिपळूण, देवरुख (न.पं.), गुहागर, खेड, लांजा (न.पं.), राजापूर आणि रत्नागिरी. सिंधुदूर्ग- कणकवली (न.पं.), मालवण, सावंतवाडी आणि वेंगुर्ला. ठाणे- अंबरनाथ आणि कुळगाव- बदलापूर. अहिल्यानगर- देवळाली- प्रवरा, जामखेड, कोपरगाव, नेवासा (न.पं.) (न.पं.), पाथर्डी, राहाता, राहूरी, संगमनेर, शेवगाव, शिर्डी, श्रीगोंदा आणि श्रीरामपूर. धुळे- दोंडाईचा-वरवाडे, पिंपळनेर, सिंदखेडा (न.पं.) आणि शिरपूर- वरवाडे. जळगाव- जामनेर, अमळनेर, भडगाव, भुसावळ, चाळीसगाव, चोपडा, धरणगांव, एरंडोल, फैजपूर, मुक्ताईनगर (न.पं.), नशिराबाद, पाचोरा, पारोळा, रावेर, सावदा, शेंदूणी (न.पं.), वरणगाव आणि यावल. नंदूरबार- शहादा, नंदुरबार, नवापूर आणि तळोदा. नाशिक- भगुर, मनमाड, नांदगाव, सटाणा, सिन्नर, येवला, चांदवाड, इगतपूरी, ओझर, पिंपळगांव- बसवंत आणि त्र्यंबक. कोल्हापूर- आजरा (न.पं.), चंदगड (न.पं.), गडहिंग्लज, हातकणंगले, हुपरी, जयसिंगपूर, कागल, कुरुंदवाड, मलकापूर, मुरगूड, पन्हाळा, शिरोळ आणि वडगाव. पुणे- आळंदी, बारामती, भोर, चाकण, दौंड, फुरसुंगी- उरळी देवाची, इंदापूर, जेजूरी, जुन्नर, लोणावळा, मालेगाव बु. (न.पं.), मंचर (न.पं.), राजगुरुनगर, सासवड, शिरुर, तळेगाव- दाभाडे आणि वडगाव (न.पं.). सांगली- आष्टा, आटपाडी (न.पं.), इस्लामपूर, जत, पळूस, शिराळा (न.पं.), तासगाव आणि विटा. सातारा- कराड, महाबळेश्वर, मलकापूर, मेढा (न.पं.), म्हसवड, पाचगणी, फलटण, रहिमतपूर, सातारा आणि वाई. सोलापूर- अक्कलकोट, अकलूज, अनागर (न.पं.), बार्शी, दुधनी, करमाळा, कुर्डूवाडी, मैदर्गी, मंगळवेढा, मोहोळ, पंढरपूर आणि सांगोला. बीड- अंबेजोगाई, बीड, धारुर, गेवराई, माजलगाव आणि परळी- वैजनाथ. छत्रपती संभाजीनगर- फुलब्री (न.पं.), गंगापूर, कन्नड, खुलताबाद, पैठण, सिल्लोड आणि वैजापूर. धाराशिव- भूम, कळंब, मुरुम, नळदुर्ग, धाराशिव, परंडा, तुळजापूर आणि उमरगा. हिंगोली- बसमतनगर, हिंगोली आणि कळमनुरी. जालना- अंबड, भोकरदन आणि परतूर. लातूर- अहमदपूर, औसा, निलंगा, रेनापूर (न.पं.) आणि उदगीर. नांदेड- बिलोली, देगलूर, धर्माबाद, हदगाव, हिमायतनगर (न.पं.), कंधार, कुंडलवाडी, मुदखेड, मुखेड, उमरी, भोकर, किनवट आणि लोहा. परभणी- गंगाखेड, जिंतूर, मानवत, पाथरी, पूर्णा, सेलू आणि सोनपेठ. अकोला- अकोट, बाळापूर, बार्शी- टाकळी, हिवरखेडा, मूर्तिजापूर आणि तेल्हारा. अमरावती- अचलपूर, अंजनगाव सूर्जी, चांदूरबाजार, चांदूर रेल्वे, चिखलदरा, दर्यापूर, धामणगाव रेल्वे, धारणी (न.पं.), मोर्शी, नांदगाव खंडेश्वर (न.पं.), शेंदूरजनाघाट आणि वरुड. बुलढाणा- बुलढाणा, चिखली, देऊळगाव राजा, जळगाव जामोद, खामगाव, लोणार, मलकापूर, मेहकर, नांदूरा, शेंगाव आणि सिंदखेडराजा. वाशीम- कारंजा, मालेगाव (न.पं.), मंगरुळपीर, रिसोड आणि वशीम. यवतमाळ- आर्णी, दारव्हा, दिग्रस, घाटंजी, पुसद, उमरखेड, वणी, यवतमाळ, ढाणकी (न.पं.), नेर- नबाबपूर आणि पांढरकवडा. भंडारा- पवनी, साकोली शेंदूरवाफा, तुमसर आणि भंडारा. चंद्रपूर- बल्लारपूर, भद्रावती, भिसी (न.पं.), ब्रह्मपूरी, चिमूर, गडचांदूर, घुग्घुस, मूल, नागभीड, राजूरा आणि वरोरा. गडचिरोली- आरमोरी, देसाईगंज आणि गडचिरोली. गोंदिया- गोंदिया, गोरेगाव (न.पं.), सालेकसा (न.पं.) आणि तिरोडा. नागपूर- बहादुरा (न.पं.), बेसा पिपळा (न.पं.), भिवापूर (न.पं.), बुटिबोरी, डिगडोह, कळमेश्वर- ब्रह्मणी, कामठी, कांद्री- कन्हान (न.पं.), काटोल, खापा, कोंढाळी (न.पं.), महादुला (न.पं.), मोहपा, मौदा (न.पं.), नरखेड, निलडोह (न.पं.), पारशिवणी (न.पं.), रामटेक, सावनेर, उमरेड, वानाडोंगरी, बिडगाव- तरोडी (खू) पांढुर्णा (न.पं.), गोधणी रेल्वे (न.पं.), कन्हान- पिपरी, मोवाड, वाडी आणि येरखेडा (न.पं.). वर्धा- आर्वी, देवळी, हिंगणघाट, पुलगाव, सिंदी रेल्वे आणि वर्धा.
महत्वाच्या तारखा
· नामनिर्देशनपत्र दाखल करण्यास सुरुवात- 10 नोव्हेंबर 2025
· नामनिर्देशनपत्रची दाखल करण्याची अंतिम मुदत- 17 नोव्हेंबर 2025
· नामनिर्देशनपत्रांची छाननी- 18 नोव्हेंबर 2025
· अपील नसलेल्या ठिकाणी नामनिदेशनपत्र माघारीची अंतिम मदुत- 21 नोव्हेंबर 2025
· अपील असलेल्या ठिकाणी नामनिदेशनपत्र माघारीची अंतिम मुदत- 25 नोव्हेंबर 2025
· मतदानाचा दिवस- 02 डिसेंबर 2025
· मतमोजणीचा दिवस- 03 डिसेंबर 2025
एकूण मतदार व मतदान केंद्र
· पुरुष मतदार- 53,79,931
· महिला मतदार- 53,22,870
· इतर मतदार- 775
· एकूण मतदार- 1,07,03,576
· एकूण मतदान केंद्र- सुमारे 13,355
एकूण जागा आणि आरक्षित जागा
· निवडणूक होत असलेल्या नगरपरिषदा- 246
· निवडणूक होत असलेल्या नगरपंचायती- 42
· एकूण प्रभाग- 3,820
· एकूण जागा- 6,859
· महिलांसाठी जागा- 3,492
· अनुसूचित जातींसाठी जागा- 895
· अनुसूचित जमातींसाठी जागा- 338
· नागरिकांचा मागासवर्ग प्रवर्गासाठी जागा- 1,821
नगरपरिषद/ नगरपंचायतींची जिल्हा व विभागनिहाय संख्या
· पालघर- 4
· रायगड- 10
· रत्नागिरी- 7
· सिंधुदूर्ग- 4
· ठाणे- 2
कोकण विभाग एकूण- 27
· अहिल्यानगर- 12
· धुळे- 4
· जळगाव- 18
· नंदूरबार- 4
· नाशिक- 11
नाशिक विभाग एकूण- 49
· कोल्हापूर- 13
· पुणे- 17
· सांगली- 8
· सातारा- 10
· सोलापूर- 12
पुणे विभाग एकूण- 60
· छत्रपती संभाजीनगर- 7
· बीड- 6
· धाराशिव- 8
· हिंगोली- 3
· जालना- 3
· लातूर- 5
· नांदेड- 13
· परभणी- 7
छत्रपती संभाजीनगर एकूण- 52
· अमरावती- 12
· अकोला- 6
· बुलढाणा- 11
· वाशीम- 5
· यवतमाळ- 11
अमरावती विभाग एकूण- 45
· भंडारा- 4
· चंद्रपूर- 11
· गडचिरोली- 3
· गोंदिया- 4
· नागपूर- 27
· वर्धा- 6
नागपूर विभाग एकूण- 55
धार्मिक अल्पसंख्यांक बहुल शाळांना पायाभूत सोयी-सुविधा पुरविण्यासाठी अनुदान योजना 14 नोव्हेंबरपर्यंत अर्ज करण्याचे आवाहन
अमरावती, दि.3: अल्पसंख्यांक विद्यार्थी बहुल शासनमान्य खासगी अनुदानित, विनाअनुदानित, कायम विना अनुदानित, कनिष्ठ महाविद्यालये, औद्योगिक प्रशिक्षण संस्था व अपंग शाळांमध्ये पायाभूत सुविधा पुरविण्यासाठी डॉ. झाकीर हुसेन मदरसा आधुनिकीरण योजना राबविण्यात येत आहे. या योजनेच्या अनुदानासाठी जिल्ह्यातील संस्थांनी १४ नोव्हेंबरपर्यंत विहीत नमून्यात अर्ज करण्याचे आवाहन जिल्हाधिकारी आशिष येरेकर यांनी केले आहे.
या योजनेंतर्गत अल्पसंख्यांक विद्यार्थी बहुल शाळांना पायाभूत सोयी-सुविधा पुरविण्यासाठी 10 लक्ष रुपये अनुदान दिले जाते. योजनेच्या अटी व शर्ती पुढीलप्रमाणे आहे.
शासन मान्याता प्राप्त शाळा, कनिष्ठ महाविद्यालय, नगरपालिका/नगरपरिषद शाळा, औद्योगिक प्रशिक्षण संस्थामध्ये अल्पसंख्यांक समाजाचे (मुस्लिम, बौध्द, ख्रिश्चन, जैन, शिख, पारशी व ज्यू मिळून) किमान 70 टक्के विद्यार्थी शिकत असावेत. अपंगाच्या शाळांमध्ये किमान 50 टक्के अल्पसंख्यांक विद्यार्थी शिकत असावेत. प्रत्येक शैक्षणिक संस्थेने डाईस कोड, औद्योगिक प्रशिक्षण संस्थांनी इन्स्टिट्युट कोड तसेच अपंग शाळांनी लाईसन्स कोड देणे आवश्यक आहे.
योजनेचा लाभ राज्यातील धर्मादाय आयुक्त अथवा वक्फ बोर्डाकडे नोंदणीकृत असलेल्या मदरसांना दिला जाणार आहे. ज्या मदरसांना गुणवत्तापूर्ण शिक्षण देणाऱ्या केंद्र शासनाच्या योजनेंतर्गत लाभ मिळाला आहे, अशा मदरशांना या योजनेचा लाभ मिळणार नाही.
इच्छुक शाळा, कनिष्ठ महाविद्यालय, औद्योगिक प्रशिक्षण संस्था व अपंग शाळा आदींनी परिपूर्णरित्या भरलेला अर्ज आवश्यक कागदपत्रासह प्रस्ताव जिल्हाधिकारी कार्यालयातील नियोजन भवन येथील नियोजन शाखेत दि. 14 नोव्हेंबरपर्यत सादर करावा. विहित मुदतीनंतर प्राप्त झालेले प्रस्ताव ग्राह्य धरले जाणार नाहीत. अधिक माहिती, अर्जाचा नमुना व आवश्यक कागदपत्रांची यादी http://mdd.maharashtra.gov.in या संकेतस्थळावर उपलब्ध आहे, असेही जिल्हा प्रशासनाव्दारे प्रसिध्दी पत्रकाव्दारे कळविण्यात आले आहे. अधिक माहितीसाठी 022 69403370/19 या क्रमांकावर संपर्क साधावा.
डॉ. झाकिर हुसेन मदरसा आधुनिकीकरण योजना 14 नोव्हेंबरपर्यंत अर्ज करण्याचे आवाहन
अमरावती, दि. 3 : अल्पसंख्याक विकास विभागातर्फे डॉ. झाकिर हुसेन मदरसा आधुनिकीकरण योजनेत सन 2025-26 या वर्षाकरिता विहीत नमुन्यात अर्ज मागविण्यात येत आहे. इच्छुकांनी विहीत नमुन्यात अर्ज आवश्यक कागदपत्रे जोडून जिल्हाधिकारी कार्यालयातील संवाद शाखा येथील अल्पसंख्यांक कक्षात दि. 14 नोव्हेंबरपर्यंत प्रस्ताव 2 प्रतीत सादर करावे, असे आवाहन जिल्हाधिकारी आशिष येरेकर यांनी प्रसिध्दी पत्रकाव्दारे केले आहे. योजनेबाबत सविस्तर माहिती पुढीलप्रमाणे आहे.
मदरसे चालवणाऱ्या संस्था धर्मदाय आयुक्त अथवा वक्फ बोर्डाकडे नोंदणीकृत असणे आवश्यक आहे. इच्छुक मदरशांनी 11 ऑक्टोबर 2013 च्या शासन निर्णयात नमूद तरतुदीनुसार विहित नमुन्यात अर्ज सादर करावेत. विज्ञान, गणित, समाजशास्त्र, हिंदी, मराठी, इंग्रजी व उर्दू हे विषय शिक्षकांना मानधन दिल्या जाणार. पायाभूत सुविधांसाठी व ग्रंथालयासाठी अनुदान दिल्या जाणार तसेच मदरशांमध्ये राहून शाळेत शिकणाऱ्या विद्यार्थ्यांसाठी शिष्यवृत्ती दिल्या जाईल.
शासन निर्णयातील तरतुदीनुसार जास्तीत जास्त तीन डी.एड./बी. एड. शिक्षकांना मानधन देण्यात येईल. शिक्षणासाठी हिंदी/इंग्रजी/मराठी व उर्दू यार्पकी एका माध्यमाची निवड करुन त्यानुसार शिक्षकांची नेमणूक करणे आवश्यक आहे. ग्रंथा लयासाठी तसेच शैक्षणिक साहित्यासाठी फक्त पहिल्यांदा रुपये 50 हजार व तद्नंतर प्रती वर्षी रुपये 5 हजार अनुदान देय राहील. शासन निर्णयात नमूद पायाभूत सुविधांसाठी रुपये 10 लाख अनुदान देय आहे. तसेच यापूर्वी ज्या प्रयोजनाकरीता अनुदान देण्यात आले आहे, त्या प्रयोजनाकरीता पुन्हा अनुदान देय राहणार नाही. ज्या मदरशांना Scheme for Providing Quality Education in Madarsa (SPQEM) या केंद्र पुरस्कृत योजनेंतर्गत लाभ मिळाला आहे, अशा मदरशांना योजनेचा लाभ अनुज्ञेय राहणार नाही.
इच्छुक मदरशांनी शासन निर्णयानुसार विहीत नमुन्यात अर्ज आवश्यक कागदपत्रे जोडून जिल्हाधिकारी कार्यालयातील संवाद शाखा येथील अल्पसंख्यांक कक्षात दि. 14 नोव्हेंबरपर्यंत प्रस्ताव 2 प्रतीत कार्या
सोमवार, ३ नोव्हेंबर, २०२५
डॉ. झाकीर हुसेन मदरसा आधुनिकीरण योजनेच्या लाभासाठी १४ नोव्हेंबरपर्यंत अर्ज करण्याचे आवाहन
मुंबई, दि. ३ : अल्पसंख्यांक विद्यार्थी बहुल शासनमान्य खासगी अनुदानित, विनाअनुदानित, कायम विना अनुदानित, कनिष्ठ महाविद्यालये, औद्योगिक प्रशिक्षण संस्था व अपंग शाळांमध्ये पायाभूत सुविधा पुरविण्यासाठी डॉ. झाकीर हुसेन मदरसा आधुनिकीरण योजना राबविण्यात येत आहे. या योजनेच्या अनुदानासाठी मुंबई उपनगर जिल्ह्यातील संस्थांनी १४ नोव्हेंबरपर्यंत अर्ज करण्याचे आवाहन जिल्हा अल्पसंख्यांक अधिकारी संजयकुमार शिंदे यांनी केले आहे.
योजनेचा लाभ राज्यातील धर्मादाय आयुक्त अथवा वक्फ बोर्डाकडे नोंदणीकृत असलेल्या मदरसांना दिला जाणार आहे. ज्या मदरसांना मदरशांमध्ये गुणवत्तापुर्ण शिक्षण देणाऱ्या केंद्र शासनाच्या योजनांतर्गत लाभ मिळाला आहे अशा मदरशांना या योजनेचा लाभ मिळणार नाही. अधिक माहितीसाठी 022 69403370/19 या क्रमांकावर संपर्क साधावा.
बीडीडी चाळ ‘अत्यावश्यक प्रकल्प’ म्हणून घोषित करा - मुख्यमंत्री देवेंद्र फडणवीस
उदंचन जलविद्युत प्रकल्पांचे परवाने जलदगतीने मिळण्यासाठी फास्ट ट्रॅक यंत्रणा - मुख्यमंत्री देवेंद्र फडणवीस · पंचमौली-देवळीपाडा उदंचन जलविद्युत प्रकल्पासाठी आठ हजार कोटींचा सामंजस्य करार
भारतातील एमएसएमईंच्या खर्च आणि स्पर्धात्मकता क्षमता बांधणी कार्यशाळा संपन्न एमएसएमई उद्योगांच्या सर्वांगिण विकासासाठी सर्वंकष प्रयत्न करणार -विभागीय आयुक्त डॉ. श्वेता सिंघल · खर्च आणि स्पर्धात्मकता वाढविण्यासाठी एमएसएमईचा त्रि-स्तरीय कार्यक्रम महत्वपूर्ण ; तज्ज्ञांचे मत
याची सदस्यत्व घ्या:
पोस्ट (Atom)