महाराष्ट्र राज्य मुक्त विद्यालय मंडळाच्या इ. ५ वी व ८ वी
च्या विद्यार्थांना ऑनलाईन अर्ज भरण्यासाठी
६ नोव्हेंबरपर्यंत मुदतवाढ
अमरावती दि. २२ : महाराष्ट्र
राज्य मुक्त विद्यालय मंडळाच्या इ. ५ वी व ८ वी साठी नव्याने प्रविष्ठ होणाऱ्या विद्यार्थ्याकरीता
ऑनलाईन पद्धतीने नाव नोंदणी प्रवेश अर्ज २१ ऑक्टोबर २०२६ रोजी रात्री ११.५९ वाजेपर्यंत
या कालावधीत स्विकारण्यात येणार होती. परंतु नाव नोंदणी प्रवेश अर्ज भरण्याच्या प्रक्रियेस
६ नोव्हेंबर पर्यंत मुदतवाढ देण्यात आली आहे.
विद्यार्थ्यांकरिता ऑनलाईन
पद्धतीने नाव नोंदणी प्रवेश अर्ज भरण्याच्या प्रक्रियेस मुदतवाढ देण्यात आली आहे. या
नवीन मुदतवाढीच्या सविस्तर तपशिलानुसार, २२ ऑक्टोबर २०२६ ते ६ नोव्हेंबर २०२६ रात्री
११.५९ वाजेपर्यंत या कालावधीत विद्यार्थ्यांची ऑनलाईन नावनोंदणी अर्ज भरणे आवश्यक आहे.
त्यानंतर ७ ते १३ नोव्हेंबर २०२६ या कालावधीत विद्यार्थ्यांनी मुळ अर्ज, विहित शुल्क
व मुळ कागदपत्रे नमूद केलेल्या संपर्क केंद्र शाळेमध्ये जमा करायची आहेत. पुढे, १८
नोव्हेंबर २०२६ रोजी संपर्क केंद्र शाळांनी विद्यार्थ्यांचे अर्ज, विहित शुल्क, मुळ
कागदपत्रे व विद्यार्थ्यांची यादी विभागीय मंडळाकडे जमा करणे आवश्यक आहे.
तरी नमूद कालावधीमध्ये
ऑनलाईन नाव नोंदणी करणेबाबत आपल्या विभागीय मंडळाच्या अधिनस्त संबंधित संपर्क केंद्रशाळा
प्रमुख यांनी मुख्याध्यापक यांना सूचना देण्यात याव्यात व केलेल्या कार्यवाहीचा अहवाल
या कार्यालयास त्वरीत सादर करावा, असे आवाहन सचिव, महाराष्ट्र राज्य मुक्त विद्यालय
मंडळ, पुणे येथील डॉ. दिपक माळी यांनी केले आहे.
०००००
कोणत्याही टिप्पण्‍या नाहीत:
टिप्पणी पोस्ट करा