पुण्यश्लोक अहिल्यादेवी होळकर पुरस्कारासाठी अर्ज आमंत्रित

 पुण्यश्लोक अहिल्यादेवी होळकर पुरस्कारासाठी अर्ज आमंत्रित       

          अमरावती, दि. 22 : महिला व बाल विभागामार्फत महिला व बालविकास क्षेत्रात उल्लेखनीय कामगिरी करणाऱ्या महिला व स्वयंसेवी संस्थांना दरवर्षी पुण्यलोक अहिल्यादेवी होळकर पुरस्काराने गौरविण्यात येते. सन 2020-21, 2021-22, 2022-23 व सन 2023-24 या वर्षांसाठी राज्यस्तरीय व जिल्हास्तरीय पुरस्कार देण्यात येणार असून, स्वयंसेवी संस्थांकडून प्रस्ताव मागविण्यात येत आहेत.

            इच्छूक व्यक्ती, स्वयंसेवी संस्था यांनी विहित नमुन्यातील अर्जासाठी, तसेच अधिक माहितीसाठी जिल्हा महिला व बालविकास अधिकारी, दत्तात्रय सदन, दसरा मैदान रोड, भुतेश्वर चौक, देशपांडेवाडी, अमरावती यांच्याशी दूरध्वनी क्र. (0721) 2990412 या क्रमांकावर कार्यालयाशी संपर्क साधावा व आवश्यक सर्व प्रमाणपत्रांसह तीन प्रतींत 7 दिवसांच्या आत अर्ज पाठवावा. मुदतीनंतर येणाऱ्या प्रस्तावांचा विचार केला जाणार नाही. असे आवाहन जिल्हा महिला व बाल विकास अधिकारी यांनी केले आहे.

000000