इयत्ता बारावीच्या परीक्षेतील
वेळापत्रकात बदल
विद्यार्थ्यांनी नोंद
घेण्याचे मंडळाचे आवाहन
अमरावती,
दि. 21
: माध्यमिक व उच्च माध्यमिक
शिक्षण मंडळामार्फत मार्च- एप्रिल 2022 मध्ये घेण्यात येणारी इयत्ता बारावीची परीक्षा
दि. 4 ते 30 मार्च 2022 या कालावधीत
आयोजित करण्यात आली आहे. त्यानुसार परीक्षेचे वेळापत्रक मंडळाच्या संकेतस्थळावर
प्रसिध्द करण्यात आले आहे. शाळा व कनिष्ठ महाविद्यालयांना वेळापत्रक देण्यात आलेले
आहे.
या वेळापत्रकानुसार इयत्ता बारावी परीक्षेतील अर्धमागधी (विषय
सांकेतांक 16) या विषयासह अन्य विषयांची परीक्षा दि. 7 मार्च 2022 रोजी दुपारच्या सत्रात दुपारी
3 ते 6.30 वाजेपर्यत आयोजित करण्यात आलेली आहे. तथापि या विषयांपैकी फक्त
अर्धमागधी या विषयाच्या वेळापत्रकामध्ये अंशत: बदल करण्यात आला आहे.
अर्धमागधी या
विषयाची परीक्षा सुधारित वेळापत्रकानुसार दि. 8 मार्च 2022 रोजी दुपारच्या सत्रात 3
ते 6.30 वाजेपर्यत घेण्यात येणार आहे. अर्धमागधी या विषयाव्यतिरीक्त परीक्षेच्या
उर्वरित वेळापत्रकामध्ये कोणताही बदल करण्यात आलेला नाही. वेळापत्रकातील करण्यात
आलेल्या बदलाची संबंधित उच्च माध्यमिक शाळा, कनिष्ठ महाविद्यालयांचे मुख्याध्यापक,
प्राचार्य, विद्यार्थी, पालक व अन्य घटक यांनी नोंद घ्यावी, असे विभागीय सहसचिव
तेजराव काळे यांनी कळविले आहे.
0000000
कोणत्याही टिप्पण्‍या नाहीत:
टिप्पणी पोस्ट करा