राजीव गांधी यांच्या जयंतीनिमित्त

विभागीय आयुक्तांनी दिली सद्‌भावना दिवस प्रतिज्ञा

अमरावती, दि. 20:  माजी प्रधानमंत्री दिवंगत राजीव गांधी यांच्या जयंतीनिमित्त विभागीय आयुक्त पियूष सिंह यांनी विभागीय आयुक्त कार्यालयात अधिकारी व कर्मचाऱ्यांना ‘सद्‌भावना दिवस’ प्रतिज्ञा दिली.

जात, वंश, धर्म, प्रदेश किंवा भाषा विषयक भेद न करता भावनिक ऐक्य आणि सामंजस्य यासाठी काम करण्याची,  तसेच सर्व प्रकारचे मतभेद हिंसाचाराचा अवलंब न करता संविधानिक मार्गानी सोडविण्याची प्रतिज्ञा विभागीय आयुक्तांनी उपस्थितांना दिली.

यावेळी महसूल उपायुक्त गजेंद्र बावणे, पुरवठा उपायुक्त रमेश मावस्कर, पुनर्वसन उपायुक्त प्रमोद देशमुख यांचेसह अन्य वरिष्ठ अधिकारी कर्मचारी उपस्थित होते.