व्यवसायकर विशेष नोंदणी अभियानाचे आयोजन
दिनांक 14 जानेवारी ते 8 फेब्रुवारी 2019
अमरावती दि.14: महाराष्ट्र व्यवसायकर कायदा 1975 अन्वये नांवनोंदणीकृत/ नोंदणीकृत नसलेल्या व्यक्ती/ मालक यांना व्यवसायकर नोंदणी प्रक्रियेत सहकार्य करण्यासाठी व्यवसाय कर विभाग, महाराष्ट्र शासन, यांच्याकडून विशेष नोंदणी अभियान दिनांक 14 जानेवारी ते 8 फेब्रुवारी 2019 या कालावधीत राबविण्यात येत आहे. तरी व्यवसायकर कायद्याअंतर्गत नांवनोंदणीकृत/ नोंदणीकृत नसलेल्या व्यक्ती, मालकांनी व्यवसायकराची नोंदणी करणे आवश्यक आहे. याकरिता शासन आपल्या दारी या उपक्रमानुसार व्यवसायकर अधिकारी आपल्या व्यवसायाच्या ठिकाणी अथवा परिसराला भेट देणार आहेत. अनोंदीत असल्यास जागेवर नोंदणी करुन दिली जाणार आहे. तसेच नोंदणीकरिता बाजारपेठा, मॉल व्यवसाय केंद्र, औद्योगिक वसाहत या ठिकाणी नोंदणी शिबिरे घेण्यात येणार आहेत.
त्याबाबतचे ठिकाण, तारीख www.mahagst.gov.in या संकेतस्थळावर प्रसिध्द करण्यात येणार आहे या बरोबरच वस्तू व सेवाकर कार्यालय विभागीय आयुक्त कार्यालयाचे परिसरात जुना बायपास रोड कँप अमरावती येथे मदतकक्ष उपलब्ध करण्यात येणार आहे. तरी अनोंदीत नांवनोंदणी/ नोंदणी करदात्यांनी याचा लाभ घ्यावा, तसेच अधिक माहितीसाठी श्री. एम.ए.जामनेकर व्यवसायकर अधिकारी श्री. व्हि. आर. इंगळेव्यवसायकर अधिकारी यांचेशी अनुक्रमे भ्रमणध्वनी क्रमांक 8983085415,9881678546 वर संपर्क साधावा, असे आवाहन वस्तू व सेवाकर विभाग अमरावतीचे सहआयुक्त टि.के.पाचरणे यांनी केले आहे.
***
कोणत्याही टिप्पण्‍या नाहीत:
टिप्पणी पोस्ट करा