अमरावती विभागात नवे 1263 कोरोनाबाधित
अमरावती, दि. 27 : अमरावती विभागातील पाचही जिल्ह्यात आज नव्याने 1263 कोरोनाबाधित आढळून आले.
आरोग्य विभागाच्या अहवालानुसार,
अमरावती जिल्ह्यात 460, अकोला येथे 123, यवतमाळ 288, बुलडाणा 243 व वाशिम येथे 149 असे एकूण 1263 रुग्णांचे अहवाल पॉझिटिव्ह आले
आहेत.
००००००
इयत्ता बारावीच्या परीक्षेतील
वेळापत्रकात बदल
विद्यार्थ्यांनी नोंद
घेण्याचे मंडळाचे आवाहन
अमरावती,
दि. 21
: माध्यमिक व उच्च माध्यमिक
शिक्षण मंडळामार्फत मार्च- एप्रिल 2022 मध्ये घेण्यात येणारी इयत्ता बारावीची परीक्षा
दि. 4 ते 30 मार्च 2022 या कालावधीत
आयोजित करण्यात आली आहे. त्यानुसार परीक्षेचे वेळापत्रक मंडळाच्या संकेतस्थळावर
प्रसिध्द करण्यात आले आहे. शाळा व कनिष्ठ महाविद्यालयांना वेळापत्रक देण्यात आलेले
आहे.
या वेळापत्रकानुसार इयत्ता बारावी परीक्षेतील अर्धमागधी (विषय
सांकेतांक 16) या विषयासह अन्य विषयांची परीक्षा दि. 7 मार्च 2022 रोजी दुपारच्या सत्रात दुपारी
3 ते 6.30 वाजेपर्यत आयोजित करण्यात आलेली आहे. तथापि या विषयांपैकी फक्त
अर्धमागधी या विषयाच्या वेळापत्रकामध्ये अंशत: बदल करण्यात आला आहे.
अर्धमागधी या
विषयाची परीक्षा सुधारित वेळापत्रकानुसार दि. 8 मार्च 2022 रोजी दुपारच्या सत्रात 3
ते 6.30 वाजेपर्यत घेण्यात येणार आहे. अर्धमागधी या विषयाव्यतिरीक्त परीक्षेच्या
उर्वरित वेळापत्रकामध्ये कोणताही बदल करण्यात आलेला नाही. वेळापत्रकातील करण्यात
आलेल्या बदलाची संबंधित उच्च माध्यमिक शाळा, कनिष्ठ महाविद्यालयांचे मुख्याध्यापक,
प्राचार्य, विद्यार्थी, पालक व अन्य घटक यांनी नोंद घ्यावी, असे विभागीय सहसचिव
तेजराव काळे यांनी कळविले आहे.
0000000
अमरावती विभागात नवे 1838 कोरोनाबाधित
अमरावती, दि. 21 : अमरावती विभागातील पाचही जिल्ह्यात आज नव्याने 1838 कोरोनाबाधित आढळून आले.
आरोग्य विभागाच्या अहवालानुसार,
अमरावती जिल्ह्यात 525, अकोला येथे 397, यवतमाळ 368, बुलडाणा 393 व वाशिम येथे 155 असे एकूण 1838 रुग्णांचे अहवाल पॉझिटिव्ह आले
आहेत.
००००००
अमरावती विभागात नवे 1820 कोरोनाबाधित
अमरावती, दि. 20 : अमरावती विभागातील पाचही जिल्ह्यात आज नव्याने 1820 कोरोनाबाधित आढळून आले.
आरोग्य विभागाच्या अहवालानुसार,
अमरावती जिल्ह्यात 470, अकोला येथे 469, यवतमाळ 358, बुलडाणा 354 व वाशिम येथे 169 असे एकूण 1820 रुग्णांचे अहवाल पॉझिटिव्ह आले
आहेत.
००००००
पंडीत
दीनद्याल उपाध्याय स्वयं योजनेचा लाभ घेण्यासाठी विद्यार्थ्यांनी
31 जानेवारीपर्यंत अर्ज सादर करावे
अमरावती दि.20:- वसतीगृह योजनेपासून वंचित असलेल्या
धनगर समाजाच्या विद्यार्थ्यांसाठी आदिवासी विकास विभागाच्या स्वंयम योजनेच्या
धर्तीवर स्वंतत्र योजना सुरु करण्यात आलेली आहे. या योजनेअंतर्गत धनगर समाजातील असे
विद्यार्थी ज्यांना इयत्ता 12 वी
नंतर तंत्रशिक्षण तसेच व्यवस्थायिक शिक्षण अभ्यासक्रमासाठी जिल्हास्तरीय शैक्षणिक
संस्थामध्ये किंवा महाविद्यालयामध्ये प्रवेश घेतला परंतू शासकीय वसतीगृहामध्ये
ज्यांना प्रवेश मिळाला नाही, अशा विद्यार्थ्यांना भोजन निवास व इतर शैक्षणिक
साहित्य उपलब्ध करुन देण्यात येते. या योजनेचा लाभ घेण्यासाठी विद्यार्थ्यांनी दि 31 जानेवारीपर्यंत आपले अर्ज समाज
कल्याण कार्यालयात सादर करावे, असे समाज कल्याण विभागाच्या सहाय्यक आयुक्त माया
केदार यांनी प्रसिद्धी पत्रकाद्वारे कळविले आहे.
या योजनेचा लाभ घेण्यासाठी
विद्यार्थ्यांनी त्यांचे आधार संलग्न बँक खात्यामध्ये जमा करावे. या योजनेअंतर्गत
शासकीय वसतीगृहामध्ये प्रवेश घेणे किंवा स्वंयम योजनेअतंर्गत थेट अनुज्ञेय
रक्कमेचा लाभ विद्यार्थ्यांना घेता येणार आहे.
विद्यार्थ्यांनी
योजनेचा लाभ घेण्यासाठी पुढील पात्रता पुर्ण केली असावी
विद्यार्थी हा धनगर समाजातील असावा.अर्जासोबत जातवैधता प्रमाणपत्र
सादर करणे बंधनकारक असेल. अर्ज करणाऱ्या विद्यार्थ्याच्या पालकाचे उत्पन्न अडीच
लाखापेक्षा जास्त नसावे. विद्यार्थ्यांने स्वत:चा आधार क्रमांक आपले राष्ट्रीकृत
बँक खात्याशी संलग्न करावे. विद्यार्थी स्थानिक रहिवासी नसावा.
विद्यार्थ्यांसाठी शैक्षणिक निकष
विद्यार्थी हा इयत्ता 12 वी
नंतरचे उच्च शिक्षण घेत असावा. लाभार्थी
विद्यार्थ्याला इयत्ता 12 वी मध्ये किमान 60 टकके गुण मिळालेले असावे. दोन
वर्षांपेक्षा कमी कालावधीच्या अभ्यासक्रमांसाठी या योजनेचा लाभ घेता येणार नाही. विद्यार्थ्यांची
महाविद्यालयात उपस्थिती 60
टक्के असावी. विद्यार्थ्यांची निवड गुणवत्तेनुसार करण्यात येईल. अखिल भारतीय
तंत्रशिक्षण परिषद, अखिल भारतीय वैद्यकीय परिषद, भारतीय फार्मसी परिषद वास्तुकला
परिषद, राज्य शासन किंवा तत्सम संस्था इत्यादी मार्फत मान्यप्राप्त महाविद्यालयात,
संस्थेमध्ये व मान्यता प्राप्तअभ्यासक्रमासाठी विद्यार्थ्यांस प्रवेश मिळालेला
असावा.
00000000
लसीकरण व वर्धक मात्रेनंतरही कोरोना
त्रिसुत्रीचे पालन गांभिर्याने करावे
-कर्नल विश्वास काळे
माजी सैनिकांनी घेतली
कोरोना लसीची वर्धक मात्रा
अमरावती दि. 20:-
कोरोनाला आळा घालण्यासाठी लसीकरणाच्या दोन
मात्रेनंतर वर्धक मात्रा घेणेही आवश्यक आहे. लसीकरण झाले म्हणून आपली जबाबदारी
संपत नाही. ज्यांनी अद्याप लसीकरण करुन घेतले नाही त्यांना आपण लसीकरणाचे महत्त्व
पटवुन द्यायला हवे. लसीकरण व वर्धक मात्रेनंतरही आपण सर्वांनी कोरोना प्रतिबंधीत
नियमांचे, त्रिसुत्रीचे पालन गांभीर्याने करावे, असे आवाहन कर्नल विश्वास काळे
यांनी केले.
शहरातील इसीएचएस पॉलीक्लिनीक येथे माजी सैनिकांसाठी नुकतेच लसीकरण
शिबीर आयोजित करण्यात आले. त्यावेळी ते बोलत होते. कोरोनाला प्रतिबंध करणाऱ्या
बुस्टर मात्रा या लसीकरण शिबीरात माजी सैनिक व त्यांच्या कुटूंबियांना देण्यात
आल्या. यावेळी कर्नल विश्वास काळे (सेवानिवृत्त)
यांच्यासह Echs प्रभारी अधिकारी कर्नल राम दयाल गोडे, वैद्यकीय अधिकारी कर्नल डॉ.
शैलेश ओक, सुभेदार मेजर राणे (सेवानिवृत्त), व
इसीएचएस चे सदस्यगण आदी उपस्थित होते.
माजी सैनिकांना इसीएचएस पॉलीक्लिनीक येथे कोरोना लसीचे बुस्टर डोज
देण्यात आले. माजी सैनिकांमधून हेल्थ केअर वर्कर, फ्रंट लाईन वर्कर, 60 वर्षे
पूढील जेष्ठांनी व सहव्याधीग्रस्तांनी कोरोना लसीची वर्धक मात्रा या आरोग्य
शिबीरात घेतली. ब्रिगेडीअर विनय नायर (स्टेशन कमान्डर पुलगाव स्टेशन) यांचे
मार्गदर्शनाखाली कोरोनाच्या नियमानुसार लसीकरण शिबीराचे आयोजन करण्यात आले.
शिबीराला माजी सैनिक व त्यांचे कुटूंबिय आदी उपस्थित होते.
00000000
राज्य लोकसेवा
हक्क आयोगाचे कार्यालय अमरावती येथे
डिसेंबर 2021
पासून कार्यरत
आयोगाचा वार्षिक अहवाल आपले सरकार
पोर्टलवर प्रसिद्ध
अमरावती दि. 19:-
राज्यातील पात्र व्यक्तींना (नागरिकांना) पारदर्शक, कार्यक्षम व समयोचित लोकसेवा
देण्याकरिता "महाराष्ट्र लोक सेवा हक्क अधिनियम-२०१५" हा दिनांक २८
एप्रिल, २०१५ रोजी शासनाने अंमलात आणला आहे.
अमरावती येथे लोक
सेवा हक्क आयोगाचे कार्यालय डिसेंबर 2021 पासुन सुरु
या अधिनियमाचे प्रभावी अंमलबजावणी करिता महाराष्ट्र राज्य सेवा हक्क
आयोग गठीत करण्यात आला असून मुख्य आयुक्तांचे कार्यालय, मुंबई येथे व प्रत्येक
महसूली विभागाकरिता आयुक्ताचे कार्यालय स्थापन करण्यात आले आहे. अमरावती महसूल
विभागाकरिता श्री. रामबाबू नरुकुल्ला, यांची राज्य लोक सेवा हक्क आयुक्त म्हणुन नेमणूक
करण्यात आली आहे. आयोगाचे कार्यालय अमरावती विभागीय आयुक्त कार्यालय येथे दि. ०६
डिसेंबर, २०२१ रोजी पासून सुरू करण्यात आले आहे. त्यांच्या कार्यक्षेत्रात
अमरावती, अकोला, यवतमाळ, बुलडाणा, वाशिम हे जिल्हे समाविष्ट आहेत.
नागरिकांच्या विविध
प्रश्नांचे उत्तर “आपले सरकार” पोर्टलवर
शासनाचे विविध विभागांमार्फत ४८६ सेवा अधिसुचित करण्यात आल्या असुन
सद्यस्थितीत ४०३ सेवा "आपले सरकार" पोर्टल मोबाईल अॅप माध्यमाध्यतून
ऑनलाईन स्वरुपात पुरविण्यात येत आहे. विविध कार्यालयांतर्गत नियुक्त
अधिकाऱ्यांमार्फत नागरिकांना पारदर्शक, कार्यक्षम व समयोचित लोकसेवा उपलब्ध न
झाल्यास त्याबाबत प्रथम व व्दितीय अपिल त्या विभागाचे पदनिर्देशीत अधिकाऱ्यांकडे
करता येईल. त्यानंतरही, सेवा उपलब्ध न झाल्यास तृतीय अपिल आयुक्त, राज्य लोक सेवा
हक्क अमरावती विभाग, अमरावती यांचेकडे ऑनलाईन द्वारे करता येईल. महाराष्ट्र लोक
सेवा हक्क संबंधि लोकांच्या मनामध्ये उपस्थित होणाऱ्या विविध प्रश्नाचे उत्तर
"आपले सरकार" पोर्टलवर प्रसिध्द करण्यात आले आहे.
सेवा प्राप्त
करण्यासाठी नागरिकांनी ऑनलाईन अर्ज सादर करावे
शासकिय विभागामार्फत उपलब्ध होणाऱ्या सेवा प्राप्त करण्याकरिता
नागरिकांनी ऑनलाईनद्वारे अर्ज सादर करावे असे आवाहन आयुक्त, राज्य लोक सेवा हक्क, अमरावती
विभाग, अमरावती यांनी केले आहे.
वर्ष 2020-21 चे
वार्षिक अहवाल “आपले सरकार” पोर्टलवर प्रसिद्ध
आयोगाच्या कामकाजासंबंधीत वार्षिक अहवाल राज्य शासनामार्फत
विधीमंडळासमोर सादर करणे आवश्यक असून सन २०२०-२०२१ या वर्षाचे वार्षिक अहवाल विधीमंडळा
समोर सादर करण्यात आले आहे. सदर अहवाल "आपले सरकार" पोर्टलवर नागरीकांच्या
माहिती करिता उपलब्ध आहे.
000000
अमरावती विभागात नवे 1528 कोरोनाबाधित
अमरावती, दि. 19 : अमरावती विभागातील पाचही जिल्ह्यात आज नव्याने 1528 कोरोनाबाधित आढळून आले.
आरोग्य विभागाच्या अहवालानुसार,
अमरावती जिल्ह्यात 438, अकोला येथे 398, यवतमाळ 200, बुलडाणा 375 व वाशिम येथे 117 असे एकूण 1528 रुग्णांचे अहवाल पॉझिटिव्ह आले
आहेत.
००००००
पर्यावरण
संवर्धनासाठी प्लास्टिकचा पुनर्वापर आवश्यक
-
जिल्हाधिकारी पवनीत कौर
अमरावती,
दि. 18 : प्लास्टिक कचरा कमी होऊन
पर्यावरण संवर्धन साधले जावे, या हेतूने पुनर्वापराच्या शक्यता पडताळणे आवश्यक
असते. स्थानिक स्तरावरही प्लास्टिक पुनर्वापराचा प्रकल्प घनकचरा व्यवस्थापनासाठी उपयुक्त
ठरू शकेल, असे प्रतिपादन जिल्हाधिकारी पवनीत कौर यांनी केले.
येथील औद्योगिक वसाहतीतील रि-बेल
प्लास्टिक पुनर्वापर प्रकल्पाची पाहणी जिल्हाधिका-यांनी केली व प्लास्टिक
पुनर्वापर प्रक्रिया समजावून घेतली. त्यावेळी त्या बोलत होत्या. उपविभागीय अधिकारी
उदयसिंह राजपूत, महापालिका आयुक्त प्रवीण आष्टीकर, तहसीलदार संतोष काकडे यांच्यासह
अनेक अधिकारी यावेळी उपस्थित होते.
प्रकल्पात कच-यातून गोळा होणारे
प्लास्टिक एकत्र करून त्यावर प्रक्रिया केली जाते. त्यातून अनेक उपयुक्त वस्तूंची
निर्मिती करता येते. टाकाऊ प्लास्टिक कच-यात जाण्याऐवजी पुनर्वापरात येत असल्याने
कचरा कमी होऊन प्रदूषणही टळते. अशा प्रकल्पाच्या अनुषंगाने महापालिका व इतरही
स्थानिक स्वराज्य संस्थांना कार्यवाही करता येईल. तसे प्रयत्न व्हावेत, असे
निर्देश जिल्हाधिका-यांनी दिले.
0000000
अमरावती विभागात नवे 1002 कोरोनाबाधित
अमरावती, दि. 18 : अमरावती विभागातील पाचही जिल्ह्यात आज नव्याने 1002 कोरोनाबाधित आढळून आले.
आरोग्य विभागाच्या अहवालानुसार,
अमरावती जिल्ह्यात 263, अकोला येथे 367, यवतमाळ 75, बुलडाणा 265 व वाशिम येथे 32
असे एकूण 1002 रुग्णांचे अहवाल पॉझिटिव्ह आले आहेत.
००००००
प्रादेशिक कृषि विस्तार व्यवस्थापन
प्रशिक्षण संस्थेत (रामेती)
कारागिरांना रोजगाराची संधी उपलब्ध
ईच्छूकांनी
अर्ज व आवश्यक कागदपत्रे सादर करावी
अमरावती,
दि. 18
: प्रादेशिक कृषि विस्तार व्यवस्थापन प्रशिक्षण संस्था (रामेती) ही कृषि
विभागातील अधिकारी, कर्मचाऱ्यांना प्रशिक्षण देणारी शासकीय संस्था आहे. संस्थेचे
कार्यालय कृषि संकुल, विद्यापीठ रोड, कॅम्प अमरावती येथे एक एकर क्षेत्रात स्थापीत
आहे.
या संस्थेच्या आवारात प्रशिक्षणार्थ्यासाठी
दोन वसतीगृहे, खानावळ, प्रशिक्षण संकुल व इतर इमारती आहेत. या इमारती मधील विद्युत
यांत्रीकीची (इलेक्ट्रीशियन) कामे, परिसरांमधील इमारतीच्या नळजोडणी, पाणीपुरवठा
यंत्रणेतील बिघाडाची दुरुस्ती, नविन पाईप जोडणी इत्यादी कामासाठी नळजोडणी कारगीर
(प्लंबर), इमारतीच्या खिडक्या, दरवाजे, फर्निचरची दुरुस्ती व नुतनिकरणाच्या
कामासाठी सुतार काम करणारे कारागीर तसेच या संस्थेत लोखंडी गेट, ग्रिल्स, लोखंडी
शेड व इतर लोखंडी साहित्यांची जोडणी दुरुस्ती करण्याच्या कामासाठी वेल्डींग काम
करणारे कारागीर, संस्थेत असलेल्या इमारतीच्या बांधकामाच्या किरकोळ दुरुस्ती व
नूतनिकरणासाठी गंवडी काम करणारे कारागीर, संस्थेतील इमारतीस रंगरंगोटी करण्यासाठी
रंगकाम करणारे कारागीराच्या सेवांची गरज भासते, विशेषत: इलेक्ट्रीशियन व प्लंबीग
कामासाठी दैनंदिन मजूरी दराने तसेच मासिक देखभाल व दुरुस्तीसाठी सुध्दा अनुभवी,
प्रशिक्षीत व नोंदणीकृत कामगारांची गरज भासते. त्या अनुषंगाने या कामामध्ये कौशल्य
प्राप्त, प्रशिक्षीत अनुभवी नोंदणीकृत गरज व इच्छूक कामगारांनी या संधीचा लाभ
घ्यावा, रामेतीचे प्राचार्य विजय चवाळे यांनी प्रसिध्दीपत्रकाद्वारे कळविले आहे.
इच्छूकांनी कामाचे स्वरुप, अटी व शर्तीबाबत
माहिती कार्यालयीन कामकाजाचे दिवशी कार्यालयीन वेळेत संस्थेत भेट देवून माहिती
करुन घ्यावी. संबंधितांनी आपल्या कामाची दरपत्रके सिलबंध लिफाफ्यात सादर करावी. योग्य
अनुभव कौशल्य, नोंदणी प्रमाणपत्र व इतर आवश्यक कागद पत्राची पुर्तता व स्पर्धात्मक
दर या आधारावर योग्य कारागीरांना सेवेची संधी उपलब्ध करुन देण्यात येईल, तरी
इच्छूकांनी संस्थेच्या कार्यालयाशी संपर्क करावे, असे संस्थेच्या प्राचार्यांनी
कळविले आहे.
000000
कोरोना
नियमांचे जबाबदारीने पालन करा -- ॲड. ठाकूर
अमरावती,दि. 16 :
कोरोनाचा संसर्ग झाल्यानंतर रुग्णालयात दाखल असतानाही विभागाचे काम चालूच
ठेवणाऱ्या महिला आणि बालविकास मंत्री एडवोकेट यशोमती ठाकूर आता प्रत्यक्ष
लोकांमध्ये मिसळून काम करताना दिसत आहेत. कोरोनातून बरे झाल्यानंतर एडवोकेट यशोमती
ठाकूर यांनी अमरावती शासकीय विश्रामगृहावर आज कार्यकर्ते आणि नागरिकांची प्रत्यक्ष
भेट घेतली. यावेळी अमरावती जिल्ह्याच्या पालकमंत्री म्हणून जिल्ह्यातील विविध
समस्यांचा आढावा घेतला तसेच जिल्ह्यातील आणि मतदारसंघातील नागरिकांच्या समस्या
जाणून घेउन त्याच्यावर तोडगा काढला. मात्र, यावेळी भेटीसाठी आलेल्या सर्व
नागरिकांना त्यांनी कळकळीची विनंती करीत राज्यसरकारने आखून दिलेल्या कोरोना
नियमांचे काटेकोरपणे पालन करणे गरजेचे आहे. याची जाणीव करून दिली. विषेशत:
लोकप्रतिनिधींनी ही जबाबदारी ओळखून त्या प्रमाणे पालन केले पाहिजे असेही ठाकूर
यावेळी म्हणाल्या.
अमरावती,दि. 16 : श्री वल्ली गाण्याचे मराठी रिमेक करणाऱ्या कलावंताचा
अमरावती जिल्ह्याच्या पालकमंत्री एडवोकेट यशोमती ठाकूर यांनी यथोचित सत्कार करत
त्याच्या भावी वाटचालीसाठी त्याला शुभेच्छा दिल्या आहेत. या अनपेक्षितपणे झालेल्या
सत्कारामुळे विजय खंदारे हा कलावंत आणि त्याची पत्नी भारावून गेली.
पुष्पा या दाक्षिणात्य चित्रपटातील श्री वल्ली गाणे
सध्या अतिशय धुमाकूळ घालीत आहे. मात्र ते अपेक्षा त्याचे मराठी रुपांतरण सध्या
युट्युब वर अतिशय गाजत असून हे रूपांतर अमरावती जिल्ह्यातील निंभोरा बैलवाडी
येथील विजय खंदारे या तरुणाने केले आहे.
सध्या दिवसा येथे राहणाऱ्या विजय खंदारे याच्या या कलागुणांचा गौरव करीत पालक
मंत्री एडवोकेट ठाकूर यांनी त्यांची भेट घेतली.
पत्नी तृप्तीसह विजय खंदारे याचा सत्कारही केला. गरीबीतून आपले शिक्षण
पूर्ण करीत नोकरीसाठी भटकणाऱ्या विजयने प्रसंगी शेंगा विकून अथवा मोलमजुरी करून
आपल्या कुटुंबाची गुजराण केली. याच दरम्यान त्याला टिक टॉकवर व्हिडिओ करण्याचा छंद
लागला. त्याने केलेल्या विनोदी व्हिडिओना चांगला प्रतिसाद मिळाल्याने त्याने
स्वतःचे युट्युब चॅनेल सुरू केले. त्यालाही चांगला प्रतिसाद मिळत असल्याने अशा
कलावंतांनी आपल्या कलागुणांची जोपासना करावी, असे आवाहन पालकमंत्री एडवोकेट ठाकूर
यांनी केले आहे. विजयला त्याच्या भावी वाटचालीसाठी शुभेच्छा देताना भविष्यात
कोणत्याही प्रकारची मदत लागल्यास सहकार्य करण्याचे आश्वासनही एडवोकेट ठाकूर यांनी
यावेळी दिले. एखाद्या कलावंताची कदर करीत त्याचा यथोचित सन्मान करणाऱ्या एडवोकेट
ठाकूर यांच्या या कृतीमुळे विजय खंदारे आणि त्याचे कुटुंबीय भारावून गेले होते.
0000000
अमरावती विभागात नवे 872 कोरोनाबाधित
अमरावती, दि. 14 : अमरावती विभागातील पाचही जिल्ह्यात आज नव्याने 872 कोरोनाबाधित आढळून आले.
आरोग्य विभागाच्या अहवालानुसार,
अमरावती जिल्ह्यात 253, अकोला येथे 260, यवतमाळ 108, बुलडाणा 209 व वाशिम येथे 42 असे एकूण 872 रुग्णांचे अहवाल पॉझिटिव्ह आले आहेत.
प्रादेशिक कृषी विस्तार व्यवस्थापन संस्थेत (रामेती) व्याख्याते
पदाकरीता अर्ज आमंत्रित
व्याख्यात्यांनी संस्थेच्या संकेतस्थळावर अर्ज सादर करावे
अमरावती,दि. 14 : प्रादेशिक कृषी विस्तार
व्यवस्थापन संस्थेद्वारे (रामेती) ही अमरावती विभागातील कृषी व संलग्न व्यवसायातील
विस्तार प्रशिक्षणाचे कार्य केले जाते. संस्थेच्या माध्यमातून कृषी व संलग्न
विभागातील अधिकारी, कर्मचारी, शेतकरी, उत्पादक कंपनीचे प्रतिनिधी, आत्मा अंतर्गत
कार्यरत कर्मचारी, आत्मा तालुका व जिल्हा समितीचे सदस्य व पदाधिकारी विविध विषयावर
प्रत्यक्ष व दुरस्थ प्रणालीद्वारे प्रशिक्षण देतात. अमरावती येथील प्रादेशक कृषी
विस्तार व्यवस्थापन प्रशिक्षण संस्था (रामेती) येथे विविध विषयांतील तज्ञ
व्यक्तीकडून व्याख्याते पदाकरीता अर्ज मागविण्यात येत आहेत.
या प्रशिक्षणाच्या माध्यमातून कृषी
विभागातील कर्मचाऱ्यांपर्यंत त्या त्या विषयातील सखोल, तांत्रिक ज्ञान अधिक
परिणामकारकपणे पोहोचविण्यासाठी संबंधित विषयातील पारंगत, व्याख्याते उपलब्ध करुन
घेऊन त्यांची नामनिर्देशिका तयार करणे व त्यांच्या ज्ञानाचा उपयोग संस्थेमार्फत
राबविण्यात येणाऱ्या प्रशिक्षण कार्यक्रमात करुन घेऊन विस्तार यंत्रणेला अधिक
प्रभावी करण्यासाठी रामेती संस्थेमार्फत अमरावती जिल्हा व विभागातील विषय तज्ञांनी
त्यांचे विषय, त्या विषयातील शैक्षणिक पात्रता, अनुभव व इतर प्राविण्याच्या
माहितीसह आपला परिचय रामेती अमरावतीच्या ई- मेल rameti- a mravati@rediffmail.com
वर पाठवावे. संस्थेच्या वार्षिक प्रशिक्षण दिनदर्शिकेतील विषयानुसार
व्याख्याते म्हणून त्यांना वेळोवळी पाचारण करणे सोयीचे होईल.
प्रशिक्षणात
विविध विषयांचा समावेश
प्रशिक्षणात प्रामुख्याने अमरावती
विभागातील प्रमुख शेती पिके, फळपिके, भाजीपाला, फुलपिक इत्यादीचे उत्पादन
तंत्रज्ञान, किडरोग व्यवस्थापन, अन्नद्रव्य व्यवस्थापन, काढणी पश्चात तंत्रज्ञान,
उच्च तंत्रज्ञानावर आधारित उत्पादन, तंत्रज्ञान जसे की सुक्ष्म सिचन, संरक्षित
शेती यांत्रिकीकरण, प्रक्रिया व पणन या सारख्या विषयावर 1 ते 5 दिवसांच्या कालावधीची प्रशिक्षणे दिली जातात.
उत्पादन
तंत्रज्ञानाबरोबरच बाजारपेठेविषयी माहिती देणाऱ्या विषयांचा समावेश
प्रमुख पिकांचा उत्पादन तंत्रज्ञान
बरोबरच शेतकरी समूह संघटन, शेतकरी उत्पादन कंपनीची स्थापना व व्यवस्थापन, क्षमता
बांधणी, बाजार आराखडे तयार करणे, बाजार व्यवस्थापन, मूल्य साखळी व्यवस्थापन, कृषी
निविष्ठांचे गुणनियंत्रण, सेंद्रिय शेती, सेंद्रिय निविष्ठा निर्मिती, जमीन आरोग्य
व्यवस्थापन, मृद व जल संधारण, शेतपिके व फळ पिकांवरील किडरोग निरीक्षण व
व्यवस्थापन प्रकल्प, माहिती तंत्रज्ञान, व्यक्तीमत्व विकास, वेळेचे व्यवस्थापन,
लेखा व आस्थापना विषयक व्यवस्थापन, विस्तार कौशल्य, संवाद कौशल्य, नेतृत्व विकास,
ताणतणाव व्यवस्थापन आदी अनेक विषयावर प्रशिक्षणे संस्थेमार्फत आयोजीत केली जातात.
शेतीपुरक व्यवसायासोबत कृषी विभागाच्या विविध विषयांची माहिती प्रशिक्षणातुन
देण्यात येते
कृषी व फलोत्पादना बरोबरच
पशुसंवर्धन, दुग्धव्यवसाय, रेशीम उद्योग, वन व चारा पिके, मधुमक्षिका पालन, मत्स्य
पालन इत्यादी शेती पूरक व्यवसायामधील तांत्रिक विषय, प्रक्रिया व पणन बाबत विषय,
वैयक्तीक विकासाबाबत विविध विषय, कृषी विभागातील राबविण्यात येणाऱ्या विविध योजना
व प्रकल्पाअंतर्गत कार्यपध्दती, महा डी. बी. टी. व इतर ऑनलाईन कार्यपध्दती, कृषी सांखिकी, पिक
विमा, फळपिक विमा व शेतकरी अपघात विमा, आपात्कालीन पिक व्यवस्थापन या सारख्या अनेक
विषयांची प्रशिक्षणे संस्थेमार्फत घेतली जातात.
कृषि व संलग्न व्यवसाय व इतर
विषयातील व्याख्यात्यांनी संस्थेच्या ई-मेल वर आपले परिपुर्ण परिचय लेख पत्र
व्यवहाराचा पत्ता व भ्रमणध्वनीसह पाठवावेत असे आवाहन रामेतीचे प्राचार्य विजय
चवाळे यांनी केले आहे.
000000000
अमरावती विभागात नवे 812 कोरोनाबाधित
अमरावती, दि. 13 : अमरावती विभागातील पाचही जिल्ह्यात आज नव्याने 812 कोरोनाबाधित आढळून आले.
आरोग्य विभागाच्या अहवालानुसार,
अमरावती जिल्ह्यात 192, अकोला येथे 284, यवतमाळ 77, बुलडाणा 188 व वाशिम येथे 71 असे एकूण 812 रुग्णांचे अहवाल पॉझिटिव्ह आले आहेत.
अमरावती विभागात नवे 619 कोरोनाबाधित
अमरावती, दि. 12 : अमरावती विभागातील पाचही जिल्ह्यात आज नव्याने 619 कोरोनाबाधित आढळून आले.
आरोग्य विभागाच्या अहवालानुसार,
अमरावती जिल्ह्यात 186, अकोला येथे 196, यवतमाळ 108, बुलडाणा 105 व वाशिम येथे 24 असे एकूण 619 रुग्णांचे अहवाल पॉझिटिव्ह आले आहेत.
००००००
अत्याधूनिक साहित्याच्या
वापरामुळे
भूमी अभिलेख विभागाकडून मोजणीची
प्रक्रिया जलद व अचूक
अमरावती दि 12: भूमि अभिलेख
विभागाकरीता गौण खनिज अंतर्गत करण्यात येणाऱ्या विविध कामाकरीता ३६ लक्ष २१ हजार
रुपयांचा निधी रोव्हर मशिन युनिट, लॅपटॉप व प्लॉटर व अनुषंगीक साहित्य खरेदी करीता
वितरीत करण्यात आला आहे. विभागीय आयुक्त पीयूष सिंह, जिल्हाधिकारी पवनीत कौर,
सहाय्यक आयुक्त श्यामकांत म्हस्के, उपसंचालक (भूमि अभिलेख) विलास शिरोळकर, उपजिल्हाधिकारी
(महसुल) रणजित भोसले, कार्यालय अधीक्षक निशांत नागरगोजे यांच्या मार्गदर्शनामुळे
हे अत्याधूनिक साहित्य प्राप्त झाले असून त्यामुळे भूमापन प्रक्रियेत अचूकता व
गतिमानता निर्माण होणार आहे.
जिल्ह्याकरीता रोव्हर मशिन युनिट व
लॅपटॉप व अनुषंगीक साहित्य खरेदी करण्यात आले असून या हे साहित्य उप अधीक्षक भूमि
अभिलेख चिखलदरा, उप अधीक्षक भूमि अभिलेख अचलपुर कार्यालयास पुरविण्यात आले असून तेथील
कर्मचाऱ्यांना याबाबत प्रशिक्षण देण्यात येत आहे.
रोव्हर मशिन व इतर
साहित्यामुळे मोजणी प्रक्रियेतील अडचणी दुर होणार आहेत.
या साहित्याच्या वापरामुळे भूमि
अभिलेख विभागाकडुन करण्यात येणारी मोजणीची कार्यवाही सुलभ व जलदगतीने होणार असून
त्यामुळे वेळेची बचत होईल. जमीनीच्या हद्दीमुळे
वारंवार आपसांत होणारे तंटे यामुळे कमी होतील. शेती/प्लॉट यांच्या मोजणी प्रकीयेत पारदर्शकता
व अचुकता निर्माण होईल. जिल्ह्यात कपाशीचे क्षेत्र जास्त आहे. मोजणीसाठी पीक
शेतातुन निघेपर्यंत वाट पहावी लागते. हा कालावधी जुन ते जानेवारी असा असतो. या
कालावधीत प्रलंबित मोजणी प्रकरणांची संख्या वाढते. रोव्हर व CORS Stations वापर
सुरु झाल्यास मोजणी प्रक्रीयेतील अडचण दुर झाली आहे. मोजणी प्रकीया सुलभ व तात्काळ
होणार असल्याने एकाच दिवशी अनेक प्रकरणात मोजणी करत येणार आहे त्यामुळे मोजणी
प्रकरणांची प्रलंबितता राहणार नाही. गावठाण भूखंड वाटप पूर्नवसन भूखंड वाटप या
योजनेअंतर्गत वाटप करण्यात येणा-या भूखंडाची तात्काळ मोजणी करता येणार आहे. अनुसुचित
जमाती व इतर पारंपारीक वन निवासी (वनहक्कांची मान्यता) अधिनियम २००6 या अंतर्गत वाटप निर्गमित झालेले नियम २००८ स सुधारणा
नियम यानुसार (फॉरेस्ट कर्पामेंट) यांची मोजणी करुन 7/१२ करणे, अमरावती जिल्ह्यात वनखंडाची/वनहक्क दावेची
मोजणीची कार्यवाही करणे सुलभ होईल. अशी माहिती भूमि अभिलेखच्या जिल्हा अधीक्षक स्मिता
शहा, भूमापन विभाग कार्यालयाचे जगदीश जावळे यांनी दिली.
000000
आणि स्वामी विवेकानंद यांना अभिवादन
अमरावती दि 12: राजमाता जिजाऊ आणि स्वामी विवेकानंद यांच्या जयंतीनिमित्य विभागीय आयुक्त पियूष सिंह यांनी त्यांच्या प्रतिमेस पुष्पहार अर्पण करुन अभिवादन केले.
विभागीय आयुक्त कार्यालयातील सभागृहात आज राजमाता जिजाऊ आणि स्वामी विवेकानंद यांच्या जयंतीनिमित्य आयोजित विशेष कार्यक्रमात संजय पवार उपायुक्त (सा.प्र.), श्यामकांत म्हस्के सहा.आयुक्त (भूसुधार), विवेकांनद काळकर सहाय्यक आयुक्त (मागासवर्ग), तहसिलदार वैशाली पाथरे उपस्थित होते. यांनीही यावेळी पुष्प अर्पण करुन राजमाता जिजाऊ व स्वामी विवेकांनद यांच्या प्रतिमेस वंदन केले. कार्यालयातील अधिकारी व कर्मचारी यावेळी उपस्थित होते.
00000
अमरावती विभागात नवे 396 कोरोनाबाधित
अमरावती, दि. 11 : अमरावती विभागातील पाचही जिल्ह्यात आज नव्याने 396 कोरोनाबाधित आढळून आले.
आरोग्य विभागाच्या अहवालानुसार,
अमरावती जिल्ह्यात 91, अकोला येथे 199, यवतमाळ 34, बुलडाणा 52
व वाशिम येथे 20 असे एकूण 396 रुग्णांचे अहवाल पॉझिटिव्ह आले आहेत.
००००००
कोविड
केअर मॅनेजमेंट प्रणालीचे पोर्टलवर कोरोना उपचारा बाबत
माहिती अद्ययावत करण्याबाबत प्रशिक्षण
अमरावती दि 12: कोविड केअर मॅनेजमेंट सिस्टीम पोर्टलवर कोरोना रुग्णालये, खाटा, ऑक्सिजनची उपलब्धता व औषधोपचाराबाबत सर्व माहिती अद्ययावत करण्याबाबत आज जिल्हाधिकारी कार्यालयातील सभागृहात प्रशिक्षण आयोजित करण्यात आले. कोविड मॅनेजमेंट केअर सिस्टिम या पोर्टलवर राज्यातील कोविड संबंधी माहिती उपलब्ध व अद्ययावत करण्यात येत आहे. कोरोना आजारावर उपचार करतांना रुग्णालयात खाटांची संख्या, ऑक्सिजन उपलब्धता, औषधांचा साठा या माहितीच्या अभावी रुग्णाच्या कुटूंबियांमध्ये तसेच सर्वसामान्य नागरिकांमध्ये संभ्रम निर्माण होऊ नये. तातडीच्या वेळी रुग्णाला योग्य उपचार मिळावे यासाठी या पोर्टलवर सर्व माहिती उपलब्ध व अद्ययावत करण्यासाठी हे प्रशिक्षणाचे आयोजन करण्यात आले. शासकिय व खासगी रुग्णालयांची कोरोना उपचारासंबंधी माहीती अद्ययावत करण्यात येणार आहे. यावेळी जिल्हाधिकारी पवनीत कौर, निवासी जिल्हाधिकारी आशिष बीजवल, जिल्हा शल्य चिकित्सक डॉ.शामसुंदर निकम, उपविभागीय अधिकारी नितिन व्यवहारे, आरोग्य विभागाचे अधिकारी व दुरदृश्य प्रणालीद्वारे उपविभागीय अधिकारी, सर्व तहसीलदार, ग्रामीण रुग्णालयाचे वैद्यकीय अधिकारी आदी उपस्थित होते.
रुग्णावर कोरोनाचा उपचार करण्याचा
प्रसंग उद्भवल्यास नागरिकांनी पोर्टल वरील उपलब्ध माहीती जाणून घेण्यासाठी काही
तांत्रिक बाबींची पूर्तता केल्यास हवी ती माहिती तात्काळ उपलब्ध होऊ शकेल व संबंधित रुग्णावर तातडीने उपचार करण्याबाबतचा
निर्णय घेणे सुलभ होईल.
000000
राष्ट्रीय
पशुधन अभियाना अंतर्गत
गवताचे गठ्ठे तयार करण्याचे मशीन
युनिट सुरु करण्यासाठी अर्ज सादर करावे
अमरावती दि.11:-जिल्ह्यात राष्ट्रीय पशुधन अभियानातंर्गत (विशेष घटक योजना) मुरघास
निर्मितीकरीता सायलेज बेलर मशीन युनिट (गवताचे गठ्ठे तयार करण्याचे मशीन वितरण)
स्थापनेसाठी निधी प्राप्त झाला आहे.
या योजने
अंतर्गत प्रत्येक तालुक्यातून अर्ज मागविण्यात येत आहे. तरी मुरघास निर्मितीकरिता
सायलेज बेलर मशीन युनिट (गवताचे गठ्ठे तयार करण्याचे मशीन वितरण) स्थापनेसाठी अर्ज
संबंधित तालुक्याचे पशुधन विकास अधिकारी यांच्याकडे सादर करावे. या योजनेचा लाभ
घेण्यासाठी जिल्ह्यातील सहकारी दुध उत्पादनसंघ/ संस्था, शेतकरी उत्पादक
कंपनी/संस्था, स्वयंसहायता बचतगट, गोशाळा/पांजरापोळ या संस्थानी अर्ज करावे.
अधिक
माहीतीसाठी जिल्हा पशुसंवर्धन उपआयुक्त यांच्या कार्यालयाच्या 0721-2662326 या
क्रमांकावर व जिल्हा पशुसंवर्धन अधिकारी जिल्हा परिषद यांच्या 0721-2662066 या
क्रमांकावर तसेच सबंधित तालुक्याचे पशुधन विकास अधिकारी यांच्याशी संपर्क साधावा,
असे जिल्हा पशुसवर्धन उपआयुक्त यांनी कळविले आहे.
0000000
राज्य लोकसेवा हक्क अधिनियम-2015 अंतर्गत
आयोगाचा वार्षिक अहवाल
आपले सरकार पोर्टलवर प्रसिद्ध
महाराष्ट्र राज्यात पात्र व्यक्तींना (नागरिकांना) पारदर्शक, कार्यक्षम व समयोचित लोकसेवा देण्याकरिता "महाराष्ट्र लोक सेवा हक्क अधिनियम-२०१५" हा दिनांक २८ एप्रिल, २०१५ रोजी शासनाने अंमलात आणला आहे.
शासनाचे विविध विभागांमार्फत ४८६ सेवा अधिसुचित करण्यात आल्या असुन सद्यस्थितीत ४०३ सेवा "आपले सरकार" पोर्टल मोबाईल अॅप माध्यमाध्यतून ऑनलाईन स्वरुपात पुरविण्यात येत आहे. विविध कार्यालयांतर्गत नियुक्त अधिकाऱ्यांमार्फत नागरिकांना पारदर्शक, कार्यक्षम व समयोचित लोकसेवा उपलब्ध न झाल्यास त्याबाबत प्रथम व व्दितीय अपिल त्या विभागाचे पदनिर्देशीत अधिकाऱ्यांकडे करता येईल. त्यानंतरही, सेवा उपलब्ध न झाल्यास तृतीय अपिल आयुक्त, राज्य लोक सेवा हक्क अमरावती विभाग, अमरावती यांचेकडे ऑनलाईन द्वारे करता येईल. महाराष्ट्र लोक सेवा हक्क संबंधि लोकांच्या मनामध्ये उपस्थित होणाऱ्या विविध प्रश्नाचे उत्तर "आपले सरकार" पोर्टलवर प्रसिध्द करण्यात आले आहे.
शासकिय विभागामार्फत उपलब्ध होणाऱ्या सेवा प्राप्त करण्याकरिता नागरिकांनी ऑनलाईनद्वारे अर्ज सादर करावे असे आवाहन आयुक्त, राज्य लोक सेवा हक्क, अमरावती विभाग, अमरावती यांनी केले आहे
या अधिनियमाचे प्रभावी अंमलबजावणी करिता महाराष्ट्र राज्य सेवा हक्क आयोग गठीत करण्यात आला असून मुख्य आयुक्तांचे कार्यालय, मुंबई येथे व प्रत्येक महसूली विभागाकरिता आयुक्ताचे कार्यालय स्थापन करण्यात आले आहे. अमरावती महसूल विभागाकरिता श्री. रामबाबू नरुकुल्ला, यांची राज्य लोक सेवा हक्क आयुक्त म्हणुन नेमणूक करण्यात आली आहे. आयोगाचे कार्यालय अमरावती विभागीय आयुक्त कार्यालय येथे दि. ०६ डिसेंबर, २०२१ रोजी पासून सुरू करण्यात आले आहे. त्यांच्या कार्यक्षेत्रात अमरावती, अकोला, यवतमाळ, बुलडाणा, वाशिम हे जिल्हे समाविष्ट आहेत.
आयोगाच्या कामकाजासंबंधीत वार्षिक अहवाल राज्य शासनामार्फत विधीमंडळासमोर सादर करणे आवश्यक असून सन २०२०-२०२१ या वर्षाचे वार्षीक अहवाल विधीमंडळा समोर सादर करण्यात आले आहे. सदर अहवाल "आपले सरकार" पोर्टलवर नागरीकांच्या माहिती करिता उपलब्ध आहे.
.
000000
राष्ट्रीय पशुधन अभियान योजनेचा लाभ घेण्यासाठी ऑनलाईन
अर्ज करावे
केद्र
शासनाने २०२१-२२ या वर्षासाठी पशुसंवर्धनाद्वारे उद्योजकता व कौशल्य विकासावर
आधारीत नविन सुधारित राष्ट्रीय पशुधन अभियान योजनेस मंजुरी दिली आहे. या योजनेचा लाभ
घेण्यासाठी शेतकरी, स्वयंसहाय्यता बचतगट, शेतकरी उत्पादक संस्था, शेतकरी सहकारी सस्थांनी
पशुसंवर्धन विभागाच्या https://ahd.maharashtragov.in व केंद्र शासनाच्या
संकेतस्थळ https://www.nlm.udyamimitra.in या संकेत स्थळावर ऑनलाईन अर्ज सादर
करावे, असे आवाहन जिल्हा पशुसवंर्धन उपआयुक्त यांनी केले आहे.
या योजनेअंतर्गत
शेळीमेंढी पालन, कुक्कुट पालन, वराह पालन, पशुखाद्य व वैरण विकास उपअभियानांतर्गत
मुरघास निर्मिती, टीएमआर व फॉडर ब्लॉक निर्मिती तसेच वैरण बियाणे उत्पादन या योजनेकरीता
५० टक्के अनुदान उपलब्ध करुन देण्यात येणार आहे. अनुदानाची अधिकतम मर्यादा आखुन
देण्यात येणार आहे. त्यात शेळी व मेंढी पालनाकरीता ५० लाख, कुक्कुट पालनाकरिता २५
लाख , वराह पालनाकरिता ३० लाख आणि पशुखाद्य व वैरण विकासासाठी ५० लाख रुपये असणार
आहे. प्रकल्पाकरिता स्वहिस्सा व्यतिरिक्त उर्वरित आवश्यक निधी लाभार्थ्याने
बँकेकडुन कर्जाव्दारे उपलब्ध करुन घ्यावा.
योजनेचा लाभ व्यक्तीगत व्यवसायिक स्वंयसहाय्यता
बचतगट, शेतकरी उत्पादक संस्था शेतकरी सहकारी संस्था , कलम ८ अंतर्गत स्थापन
झालेल्या कंपनी, सहकारी दुध उत्पादक संस्था, सहजोखिम गट (जेएलजी) सहकारी संस्था,
खाजगी संस्था, स्टार्टअप ग्रुप इत्यादी घेवु शकतात. लाभ घेण्यासाठी ऑनलाईन
पद्धतीने अर्ज करावयाचा आहे. अर्ज सादर करताना सविस्तर प्रकल्प अहवाल पैन कार्ड,
आधार कार्ड, रहिवासी पुरावा (मतदान ओळखपत्र , वीज देयकाची प्रत) छायाचित्र, बँकेचा
रद्द केलेला धनादेश, ईत्यादी कागदपत्रे अपलोड करणे अनिवार्य आहे. अनुभवाचे
प्रमाणपत्र, वार्षीक लेखामेळा, आयकर रिटर्न, प्रशिक्षण प्रमाणपत्र, जमिनीचे
कागदपत्र, जीएसटी नांदणी इत्यादी कागदपत्रे असल्यास सादर करावे. योजनेबाबत सविस्तर
माहिती पशुसंवर्धन विभागाच्या संकेतस्तळावर उपलब्ध आहे,असे जिल्हा पशुसंवर्धन
उपआयुक्त यांनी कळविले आहे.
000000